लॉकडाऊनचा लालपरीला आर्थिक फटका

कोरोनाला रोखण्यासाठी २२ मार्चपासून राज्यात लॉकडाऊनसह संचारबंदी लागू करण्यात आली. धार्मिक, सार्वजनिक कार्यक्रम, प्रवासी वाहतुकीलाही बंदी घालण्यात आली. याचा थेट फटका राज्य परिवहन महामंडळाला बसला आहे. कधी नव्हे, एवढे मोठे नुकसान एसटीला सहन करावे लागत आहे.

ठळक मुद्देकोरोना इफेक्ट : आदेश मिळताच सेवेसाठी तत्पर

लोकमत न्यूज नेटवर्कचंद्रपूर : ‘प्रवाशांच्या सेवेसाठी’ असे बिद्र असलेल्या एसटीला कधी नव्हे, एवढा मोठा फटका लॉकडाऊनच्या काळात बसला आहे. गावागावांत पोहचलेल्या एसटीने आज स्वत:ला आगारात बंद करून घेत कोरोनाच्या संकटात प्रवाशांना बाहेर पडू नका, असा संदेश दिला आहे. याही परिस्थितीत अडकेलेल्या मजुरांना आणण्यासाठी ती तत्पर आहे. होताच आम्ही, सेवा देण्यास तयार आहे, असे मत विभागीय नियंत्रकांनी व्यक्त केले आहे.कोरोनाला रोखण्यासाठी २२ मार्चपासून राज्यात लॉकडाऊनसह संचारबंदी लागू करण्यात आली. धार्मिक, सार्वजनिक कार्यक्रम, प्रवासी वाहतुकीलाही बंदी घालण्यात आली. याचा थेट फटका राज्य परिवहन महामंडळाला बसला आहे. कधी नव्हे, एवढे मोठे नुकसान एसटीला सहन करावे लागत आहे.उत्पन्न वाढीसाठी एसटी महामंडळाला उन्हाळ्याचे दिवस महत्त्वाचे असते. लग्न सराईसह विविध कार्यक्रमासाठी बसेसचे आरक्षणही केले जाते. एवढेच नाही तर विशेष बस फेऱ्याही वाढविल्या जाते. यासाठी महामंडळाने यावर्षीचे नियोजनही केले होते. मात्र सदर नियोजन हे आता कागदावरच राहणार आहे.यावर्षी उन्हाळ्याच्या दिवसातच कोरोनाचे संकट आले. यावर मात करण्यासाठी शासनाने धार्मिक कार्यक्रमांसह सर्वच कार्यक्रम रद्द केले आहेत. त्यामुळे लग्नसराईतून एसटीला मिळणारे उत्पन्न बुडाले आहे. मात्र २२ मार्चपासून लॉकडाऊमुळे गावागावात पोहचलेली एसटी आता आगारात बंद झाली आहे.दुरुस्तीचा खर्च वाढणारलॉकडाऊननंतर जिल्ह्यातील सर्व आगारामध्ये एसटी उभ्या आहेत. त्यामुळे इतर यांत्रिकी बिघाडासह बॅटरी खराब होण्याची शक्यता व्यक्त केली जात आहे. बॅटºया खराब होऊ नये यासाठी मेकॅनिक व अधिकारी काळजी घेत आहे. २२ मार्चपासून बसेस एकाच जागी उभ्या आहेत. त्यात दिवसेंदिवस वाढत चाललेल्या तापमानामुळे उभा असलेल्या बसेस जागीच पंक्चर होण्याची भिती व्यक्त केली जात आहे.लॉकडाऊननंतर अनेकजण परराज्यात तसेच जिल्ह्यातील इतर भागांमध्ये अडकले आहे. या नागरिकांना आणण्यासाठी शासनस्तरावर प्रयत्न केले जात आहे. चंद्रपूर विभागामध्ये सध्यातरी मजूरांना आणण्यासाठी एसटीची मागणी करण्यात आली नसून आदेश प्राप्त झाल्यास आम्ही सेवा देण्यास तत्पर आहो.- आर. एन. पाटील, विभागीय नियंत्रक