रेल्वेमध्ये परीक्षेशिवाय मिळतेय नोकरी, पदवीधरांसाठी सुवर्णसंधी

By ऑनलाइन लोकमत | Published: July 27, 2020 06:03 PM2020-07-27T18:03:39+5:302020-07-27T18:10:51+5:30

रेल्वे रिक्रूटमेंट सेलने (आरआरसी) पश्चिम रेल्वेमध्ये जुनियर टेक्निकल एसोसिएट(Junior Technical Associate)ची विविध पदांवर भरती काढली आहे. यासाठी rrc-wr.com एक अधिसूचना जारी केली आहे.

rrb rrc railway bharti 2020 western railway je vacancy 2020 notification | रेल्वेमध्ये परीक्षेशिवाय मिळतेय नोकरी, पदवीधरांसाठी सुवर्णसंधी — रेल्वेमध्ये परीक्षेशिवाय मिळतेय नोकरी, पदवीधरांसाठी सुवर्णसंधी

गेल्या काही दिवसांपासून कोरोनानं देशात थैमान घातलेलं आहे. कोरोनाची साखळी तोडण्यासाठी लॉकडाऊनही करण्यात आलं. लॉकडाऊनच्या काळात कंपन्या बंद असल्यानं अनेकांना नोकऱ्या गमवाव्या लागल्या आहेत. पण कोरोना संकटाच्या काळातही भारतीय रेल्वेमध्ये पदवीधरांना नोकरीची सुवर्णसंधी मिळत आहे. रेल्वे रिक्रूटमेंट सेलने (आरआरसी) पश्चिम रेल्वेमध्ये जुनियर टेक्निकल एसोसिएट(Junior Technical Associate)ची विविध पदांवर भरती काढली आहे. यासाठी rrc-wr.com एक अधिसूचना जारी केली आहे.

पदांची माहिती
कनिष्ठ तांत्रिक सहकारी (वर्क्स) - 19 पदे
कनिष्ठ तांत्रिक सहकारी (विद्युत) - 12 पदे
कनिष्ठ तांत्रिक सहकारी (दूरसंचार / एस अँड टी) - 10 पदे
एकूण पदांची संख्या - 41

अर्ज माहिती
या भरती प्रक्रियेत सामील होण्यासाठी उमेदवारांना ऑनलाईन अर्ज करावा लागेल. अर्जाची लिंक पुढे दिली जात आहे.
ऑनलाइन अर्ज करण्यासाठी प्रारंभ तारीख - 24 जुलै 2020.
ऑनलाईन अर्ज करण्याची अंतिम तारीख - 22 ऑगस्ट 2020
अर्ज फी - अनुसूचित जाती, जमाती, ओबीसी, महिला, अल्पसंख्याक आणि आर्थिकदृष्ट्या दुर्बल घटकांच्या उमेदवारांसाठी 250 रुपये. सामान्य श्रेणीसाठी हे 500 रुपये आहे. पात्र असल्याचे आढळून आल्यानंतर आणि पर्सनॅलिटी/ इंटेलिजेंस टेस्टमध्ये हजेरी लावून फी परत केली जाईल.

आवश्यक पात्रता
मान्यताप्राप्त संस्था/विद्यापीठाशी संबंधित अभियांत्रिकी संस्थेतून 3 वर्षे डिप्लोमा किंवा बीएससी किंवा चार वर्षांची पदवी (बीई/बीटेक) असणे आवश्यक आहे. वयोमर्यादा किमान 18 वर्षे आणि जास्तीत जास्त 33 (सामान्य), 36 (ओबीसी) आणि 38 (एससी, एसटी) वर्षे ठेवली गेली आहे. 22 जुलै 2020 पर्यंत वय ग्राह्य धरलं जाईल.

निवड प्रक्रिया: - पात्र उमेदवारांची निवड व्यक्तिमत्त्व / बुद्धिमत्ता चाचणीच्या आधारे असेल.