अवघ्या ३ वर्षांत ३ लाखांवरून थेट ८० लाखांचा पगार! 'या' तरुणाची सॅलरी पाहून नेटकरी चकित

बंगळूरुचा एक २६ वर्षीय सॉफ्टवेअर डेव्हलपर सोशल मीडियावर व्हायरल होत आहे. त्याने सोशल मीडियावर आपल्या करिअरचा प्रवास शेअर केला आहे. त्याचा दावा आहे की, केवळ तीन वर्षांत नोकरी बदलून त्याने आपला पगार वार्षिक ३.२ लाख रुपयांवरून ८० लाख रुपयांपर्यंत वाढवला आहे.

बंगळूरुचा एक २६ वर्षीय सॉफ्टवेअर डेव्हलपर सध्या सोशल मीडियावर व्हायरल होत आहे. त्याने सोशल मीडियावर आपल्या करिअरचा प्रवास शेअर केला आहे. फक्त तीन वर्षांत नोकरी बदलून त्याने आपला पगार वार्षिक ३.२ लाख रुपयांवरून ८० लाख रुपयांपर्यंत वाढवला असल्याचा त्याने दावा केला आहे. या व्यक्तीचे नाव अर्का मजुमदार असून, तो सध्या गुगलमध्ये काम करत आहे. मजुमदार यांच्या मते, निष्ठेमुळे पगारवाढ होत नाही. आता २०३१ पर्यंत निवृत्त होण्याची त्याचे नियोजन आहे.

"इराणला आम्ही संपवलंय, आता तुम्ही हिंमत दाखवा!", ट्रम्प यांनी भारत, ब्रिटनसह जगाला सुनावले

अर्का मजुमदार यांनी इंस्टाग्रामवर एक व्हिडीओ शेअर केला आहे. वयाच्या २३ व्या वर्षी त्यांनी टीसीएसमध्ये आपल्या करिअरची सुरुवात केली, तिथे त्यांना वार्षिक ३.२ लाख रुपये पगार मिळत होता. दोन वर्षांनंतर, मजुमदार यांनी नोकरी बदलली आणि १.४ लाख रुपये पगारावर कुकू एफएममध्ये रुजू झाले. अखेरीस ते गुगलमध्ये सामील झाले, तिथे त्यांचा वार्षिक पगार ८० लाख रुपये आहे.

पहिल्यांदाच एवढी पगारवाढ

मजुमदार म्हणाले की, ते टीसीएसमध्ये असिस्टंट सिस्टीम्स इंजिनिअर होते. जेव्हा त्यांनी पहिली नोकरी स्वीकारली, तेव्हा त्यांनी शिकण्याची इच्छा असल्याचे सांगितले. टीसीएसचा डिजिटल प्रोग्राम उत्तीर्ण झाल्यावर मजुमदार यांना सिस्टीम्स इंजिनिअर म्हणून बढती मिळाली. यामुळे त्यांचा पगार वाढून वार्षिक सुमारे ७ लाख रुपये झाला. याच सुमारास मजुमदार यांनी डेटा स्ट्रक्चर्स आणि अल्गोरिदम शिकायला सुरुवात केली. प्रॉडक्ट-आधारित टेक भूमिकांमध्ये या कौशल्याला मोठी मागणी आहे.

यानंतर, मजुमदार यांनी दररोज पाच ते सहा तास डीएसए सरावासाठी देण्याचा निर्णय घेतला. या काळात त्यांनी ३८० हून अधिक लीटकोड प्रश्न सोडवले, यामुळे त्यांचा आत्मविश्वास लक्षणीयरीत्या वाढला. मजुमदार यांनी सांगितले की, जानेवारी २०२४ मध्ये त्यांनी टीसीएसच्या बाहेर नोकऱ्यांसाठी अर्ज करण्यास सुरुवात केली. पण त्यांना पहिली नोकरीची ऑफर मिळायला सुमारे आठ महिने लागले. अनेक मुलाखतींमध्ये अपयशी ठरल्यानंतर, त्यांना बंगळूर-स्थित स्टार्टअप असलेल्या कुकू एफएममध्ये नोकरी मिळाली. तिथे त्यांचा पगार वार्षिक १४-१५ लाख रुपयांपर्यंत पोहोचला.

मग आले वर्ष २०२५. मजुमदार म्हणाले की, याच वर्षी त्यांनी नोकरी बदलली आणि त्यांना सर्वात मोठी पगारवाढ मिळाली. नोकरीची संधी मिळूनही त्यांनी कठोर परिश्रम करणे सुरूच ठेवले. या काळात त्यांनी ग्राफ्स, ट्रायझ आणि डायनॅमिक प्रोग्रामिंगवर काम करणे सुरू ठेवले. त्यांच्या लीटकोडवरील प्रश्नांची संख्या ७५० च्या पुढे गेली. त्यांच्या कॉलेजच्या दिवसांमध्ये, प्रत्येक बी.टेक विद्यार्थ्याप्रमाणे, गुगलमध्ये काम करण्याचे त्यांचे स्वप्न होते. पण मार्गदर्शनाच्या अभावामुळे ते टीसीएसमध्ये पोहोचले.

मजुमदार यांच्या यशावर सोशल मीडियावर संमिश्र प्रतिक्रिया उमटत आहेत. काहींनी त्यांचे अभिनंदन केले, तर काहींनी त्यांच्या वारंवार नोकरी बदलण्यावर प्रश्नचिन्ह उपस्थित केले. एका वापरकर्त्याने लिहिले की, वार्षिक १५ लाखवरून ८० लाखापर्यंत झेप घेण्याचे त्यांचे आश्वासन खूपच अवास्तव आहे. दुसऱ्या एका वापरकर्त्याने लिहिले,"तुम्ही त्यांना कसे पटवून दिले? तुम्ही त्यांच्या शेवटच्या पगाराबद्दल विचारले नाही का?