बुलडाणा जिल्ह्यात आढळली ६६२ शाळाबाह्य मुले

शाळाबाह्य मुलांच्या सर्वेक्षणासाठी ५ लाख ३0 हजार ७४६ कुटुंबीयांची चाचपणी.

बुलडाणा : राज्य शासनाच्या निर्देशानुसार ४ जुलै रोजी शाळाबाह्य मुलांच्या सर्वेक्षणासाठी सकाळी ७ वाजता सुरुवात करण्यात आली. जिल्ह्यात जवळपास ५ हजार ७२0 कर्मचारी जिल्ह्यातील ५ लाख ३0 हजार ७४६ कुटुंबीयांना भेट देऊन शाळाबाह्य मुलांचे सर्वेक्षण पूर्ण केले. त्यात एकूण जिल्ह्यात ६६२ शाळाबाह्य मुले आढळली सदर सर्वेक्षण बुलडाणा जिल्ह्यातील प्रत्येक गावासह शहरातील प्रत्येक घरी, प्रत्येक वस्तीत, तांड्यात जाऊन होत आहे. यावेळी शाळाबाह्य आढळलेल्या मुलाच्या हाताला शाई लावण्यात आली. तसेच परिसरातील शाळेत प्रवेशित प्रक्रिया सुरू करण्यात आली. यावेळी केलेल्या सर्वेक्षणामध्ये जिल्ह्यात एकूण ६६२ शाळाबाह्य मुले आढळली. त्यात ३0१ मुलींचा समावेश आहे. बुलडाणा तालुक्यात एकूण २९ शाळाबाह्य मुले आढळली, त्यात २१ मुले, ८ मुली आहेत. चिखली तालुक्यात एकूण ४२, मुले २0, मुली २२, देऊळगाव राजा एकूण १२, मुले ८, मुली ४, सिंदखेड राजा एकूण १४, मुले ७, मुली ७, लोणार एकूण ४0, मुले १९, मुली २१, मेहकर एकूण १0, मुले ४, मुली ६, खामगाव एकूण १९४, मुले ११३, मुली ८१, शेगाव एकूण ४0,मुले ३१, मुली ९, संग्रामपूर एकूण १६९, मुले ८७, मुली ८२, जळगाव जामोद एकूण ३0, मुले ९ , मुली २१, नांदुरा एकूण १४, मुले ७, मुली ७, मलकापूर एकूण २१, मुले ११, मुली १0, मोताळा एकूण ४८, मुले २४ मुली २४, असे एकूण ६६२ शाळाबाह्य मुले आढळली आहेत.