अधिकारी-कर्मचा-यांवर कॅम-यांचा ‘वॉच’

मेहकर पंचायत समितीमध्ये लागणार सीसी कॅमेरे.

उद्धव फंगाळ /मेहकर (जि. बुलडाणा) : ग्रामीण भागातील सर्वसामान्यांची कामे वेळेवर होऊन प्रत्येक खेडेगावाचा विकास व्हावा, या हेतूने मेहकर पंचायत समितीमध्ये लवकरच सीसी कॅमेरे बसविण्यात येणार आहे. त्याव्दारे अधिकारी,कर्मचार्‍यांवरह्यवॉचह्ण राहणार असल्याचे पं.स. सभापती सागर पाटील यांनी ३0 सप्टेंबर रोजी ह्यलोकमतह्णला माहिती दिली. पंचायत समिती ही ग्रामीण भागातील विकासात्मक कामाच्या दृष्टीने महत्त्वाची आहे. मेहकर पंचायत समितीमध्ये जवळपास १४0 गावे समाविष्ट आहेत. प्रत्येक गावातील विविध कामांवर पंचायत समितीचे नियंत्रण असते. दरम्यान, ग्रामीण भागातून प्रत्येक व्यक्ती हा दररोज काही ना काही कामानिमित्त पंचायत समितीमध्ये येत असतो. पंचायत समितीचे अधिकारी व कर्मचारी हे वेळेवर हजर राहत नसल्याने तेथे येणार्‍या व्यक्तीचे काम ठरलेल्या वेळेवर होत नसल्याने त्याला आर्थिक भुर्दंंंंड सहन करावा लागतो. काही अधिकारी व कर्मचारी कामाच्या वेळेतदेखील कार्यालयात हजर राहत नाहीत. कोणतेही दौरे, शासकीय काम नसतानाही आपल्या कामात कुचराई करतात. त्यामुळे ग्रामीण भागातील सर्वसामान्यांची कामे वेळेवर व्हावी, अधिकारी कर्मचारी हे आपल्या कामाच्या वेळेत कार्यालयात हजर रहावेत, जेणेकरून जनतेची कामे ही वेळेवर होतील व ग्रामीण भागातील खेड्यांचा विकास होईल, यासाठी एक महिन्याच्या आत मेहकर पंचायत समितीमधील शिक्षण विभाग, बांधकाम विभाग, स्वच्छ भारत अभियान विभाग, गटविकास अधिकारी दोन्ही विभाग, सभापती विभाग, अकाउंट विभाग, मीटिंग हॉल, कृषी विभाग, रोहयो विभाग, पंचायत समिती परिसर आदी ठिकाणी सीसी कॅमेरे लावण्यात येणार आहेत. या सर्व कॅमेर्‍यांचे मुख्य कनेक्शन हे सभापतींच्या केबिनमध्ये राहणार आहे. त्यामुळे आता आपल्या कामात कुचराई करणार्‍या अधिकारी व कर्मचार्‍यांवर कॅमेर्‍यांची निगराणी राहणार असून, वेळप्रसंगी कारवाईसुद्धा होणार आहे.