चारचाकी वाहनाने वृद्धास उडविले

फिर्यादी संजय शंकर गाडेकर (४०, रा.भादोला) यांचे सासरे सुधाकर म्हातारजी शेळके (६५, रा. डोंगरखंडाळा) हे ११ सप्टेंबर रोजी संध्याकाळी साडेसात ७.३० वाजताच्या सुमारास बुलडाणा येथून अजिंठारोडने त्यांचा मुलगा श्याम सुधाकर शेळके यांच्या घरी पायी जात असताना बुलडाणा येथून देऊळघाटकडे जाणाऱ्या चारचाकी वाहन (एमएच १९ सीयू ००२३)च्या चालकाने त्याच्या ताब्यातील वाहन भरधाव वेगाने व निष्काळजीपणे चालवून सुधाकर म्हातारजी शेळके यांना पाठीमागून धडक दिली. यामध्ये त्यांच्या डोक्याला गंभीर दुखापत झाल्याने ते जखमी झाले होते. त्यांना जखमी अवस्थेत बुलडाणा येथील खासगी हाॅस्पिटलमध्ये भरती करण्यात आले. याचदरम्यान १५ सप्टेंबर रोजी सकाळी ८ वाजता त्यांचा उपचारादरम्यान मृत्यू झाला. याप्रकरणी दिलेल्या फिर्यादीवरून चारचाकी वाहनांविरुद्ध गुन्हा दाखल केला आहे.