महावितरणकडून रोहित्र बदलण्याचे काम सुरू

बुलडाणा : जिल्ह्यातील नादुरुस्त रोहित्र बदलण्याची कामे करण्यासाठी स्वतंत्रपणे एजन्सीची नेमणूक करण्यात आली असून, ही कामे लवकरच सुरू करण्यात येणार असल्याची माहिती महाराष्ट्र राज्य विद्युत वितरण कंपनीच्या कार्यकारी अभियंत्यांनी दिली. ह्यधाड उपविभागात ६३0 रोहित्रे नादुरुस्तह्ण असे वृत्त 'लोकमत'मध्ये शनिवारी प्रसिद्ध झाले होते. या वृत्ताची दखल घेत कंपनीने प्रसिद्धीस दिलेल्या पत्रकात म्हटले आहे की, धाड उपविभागात ४५ गावांमध्ये ६५0 कृषिपंपांना रोहित्राद्वारे विद्युत पुरवठा केला जातो. सप्टेंबरमध्ये नादुरुस्त झालेल्या व बदलणे बाकी असलेल्या रोहित्रांची संख्या सात असून, ते लवकरच बदलविण्यात येणार आहेत. याशिवाय ज्या रोहित्रामध्ये ऑइल कमी आहे, त्यामध्ये ऑइल टाकण्याचे काम युद्धपातळीवर सुरू असून, लवकरच ही कामे पूर्ण करण्यात येत आहेत. शेतकर्‍यांना येत्या खरीप हंगामामध्ये कोणतीही अडचण येणार नाही, यासाठी महावितरण कंपनीची कामे युद्घपातळीवर सुरू आहे, असेही म्हटले आहे.