लोकमत न्यूज नेटवर्कबुलडाणा : शहरातील क्रीडा संकुल परिसरात दाेन बिबट्यांनी १० मे राेजी रात्री हैदाेस घातला़ तसेच एका पाळीव श्वानावर हल्ला केल्याने या परिसरातील नागरिकांमध्ये भीतीचे वातावरण आहे़ शहरातील विविध भागात काही दिवसांपूर्वी बिबटे आढळले हाेते़ क्रीडा संकुल परिसरात माजी आमदार हर्षवर्धन सपकाळ यांच्या गेल्या ९ वर्षांपासून निर्माणाधीन असलेल्या घरात दाेन बिबट्यांनी साेमवारी रात्री ८ वाजता प्रवेश केला़ या बिबट्यांनी घरातील कबुतरे फस्त केली़ तसेच काेंबड्यांवर हल्ला केला़ मात्र, काेंबड्या उडाल्याने बचावल्या़ तसेच हर्षवर्धन सपकाळ यांच्या पाळीव कुत्र्यावर बिबट्याने हल्ला केला़ ही बाब शेजाऱ्यांनी सपकाळ यांना सांगितली़ सपकाळ यांनी तातडीने घटनास्थळावर धाव घेतली असता एका बिबट्याने श्वानाला पकडलेले आढळले़ चारचाकीच्या लाईटमुळे बिबट्याने श्वानाला साेडले़ अर्ध्या तासाने पाळीव कुत्र्याला साेडवण्यात यश आले़ या हल्ल्यात जखमी झालेल्या श्वानाला सपकाळ यांनी तातडीने डाॅक्टरांकडे उपचारांसाठी नेले़ त्यानंतर रात्री १० नंतरही या परिसरात बिबट्यांचा मुक्काम हाेता़ नागरी वस्तीत बिबट्यांनी हल्ला केल्याची ही बुलडाणा शहरातील पहिलीच घटना आहे. बिबट्यांच्या वावरामुळे या परिसरातील नागरिकांमध्ये भीतीचे वातावरण आहे.
सुदैवाने मनुष्यहानी टळली हर्षवर्धन सपकाळ यांच्या निर्माणाधीन घरावर रात्री त्यांच्या कुटुंबातील एक जण झाेपायला जात हाेते़ सुदैवाने साेमवारी रात्री कुणीही गेले नव्हते़ या परिसरात वन्य प्राण्यांचा वावर असताे़ त्यात आता बिबट्यांचीही भर पडली आहे़