लोणार पाहण्यासाठी आलेल्या पर्यटकाची कार उलटली; एक ठार, तीन गंभीर जखमी

सराेवर पाहून परत जात असताना घडला अपघात

लाेणार : सराेवर पाहून आपल्या गावाकडे जात असलेल्या पर्यटकांची कार उलटल्याने एक जण जागीच ठार तर तीन जण गंभीर जखमी झाले. ही घटना लाेणार सराेवराजवळ किन्ही रस्त्यावर १८ नाेव्हेंबर राेजी घडली. अपघातानंतर कार तीन ते चार वेळा उलटली. सूरज शिवाजी गुडवे (२५, रा. ठाणे) असे मृतकाचे नाव आहे.

मुंबई व ठाणे येथील पर्यटक इनाेव्हा कार (एमएच ०१ एएक्स ९८९८)ने सकाळी शेगाव येथे दर्शन घेऊन लाेणार सराेवर पाहण्यासाठी आले हाेते. सराेवर पाहिल्यानंतर ते मुंबईकडे परत जात हाेते. दरम्यान, लाेणारवरून समृद्धी महामार्गाकडे जात असताना चालकाचे नियंत्रण सुटल्याने भरधाव कार रस्त्याच्या खाली उतरली आणि दाेन ते तीन वेळा उलटली.

या अपघातामध्ये सूरज शिवाजी गुडवे यांचा मृत्यू झाला तर सूर्यकांत शिवाजी गुडवे (२७), निहाल संदीप सुर्वे (१ वर्ष), साहिल संजय गुडवे (२०), नीता संदीप सुर्वे (३३) हे गंभीर जखमी आहे. जखमींना जालना येथे उपचारार्थ हलवण्यात आले आहे. घटनेची माहिती मिळताच लोणार पोलिसांनी घटनास्थळी धाव घेत पंचनामा केला. घटनास्थळावर पोलिस निरीक्षक निमिष मेहेत्रे, संतोष प. चव्हाण, सहायक पोलिस निरीक्षक राजेश घोगरे आदींनी भेट देऊन जखमींना तातडीने उपचारार्थ पाठवले.