शाळांवर केरळचे २0 टक्के शिक्षक!

सीबीएसईचे आकर्षण; विदर्भात शाळांचे जाळे वाढले.

ब्रम्हानंद जाधव/ मेहकर: विदर्भात इंग्रजी माध्यमांच्या शाळांचे प्रस्थ वाढत असून, सीबीएसई बोर्डाच्या शाळांची संख्या १00 वर जाऊन पोहोचली आहे. सीबीएसई बोर्डाच्या शाळेवर इंग्रजीचे प्रभुत्व असलेल्या शिक्षकांची नियुक्ती करण्यासाठी संस्थाचालक केरळच्या शिक्षकांचा भरणा करीत आहेत. नवीन शैक्षणिक वर्षात विदर्भातील सीबीएसईच्या शाळांवर केरळच्या शिक्षकांचे २0 टक्के प्रमाण असल्याने पालकांचाही कल आता कॉन्व्हेंटकडून सीबीएसईकडे वळत आहे. स्पर्धेच्या युगात टिकण्यासाठी प्रत्येक पालक आपल्या पाल्याला इंग्रजी शाळेत घालत आहे. शहरापाठोपाठ ग्रामीण भागातही इंग्रजी माध्यमांच्या शाळांचे जाळे पसरले आहे. इंग्रजी माध्यमामध्येही गत तीन ते चार वर्षांंपासून सीबीएसई बोर्डाच्या शाळांकडे पालकांचा कल अधिक आहे. सीबीएसई बोर्डाच्या एकूण १५ हजार ७९९ शाळा आहेत. त्यापैकी विदर्भात १00 च्या आसपास सीबीएसईच्या व सीबीएसईशी संलग्नीत शासकीय व खासगी शाळा आहेत. विदर्भातील प्रत्येक जिल्ह्यात सीबीएसईच्या व सीबीएसईशी संलग्नीत शाळा निर्माण झाल्या असून, या शाळेचे संस्थाचालक पटसंख्या वाढविण्यासाठी वेगवेगळे फंडे वापरताना दिसून येत आहेत. सीबीएसईच्या शाळांवर इंग्रजीवर प्रभुत्व असलेल्या शिक्षकांची गरज असल्याने अनेक संस्थाचालकांनी आपल्या शाळेवर केरळच्या शिक्षकांचा भरणा केलेला आहे. विदर्भातील १00 च्यावर असलेल्या सीबीएसईच्या व सीबीएसईशी संलग्नीत शाळांमध्ये सुमारे २0 टक्के शिक्षक हे केरळचे आहेत. विदर्भातील इंग्रजी माध्यमांच्या शाळांचे ग्रामीण भागात ह्यमिशन अँडमिशनह्ण अजूनही सुरू आहे. ज्या शाळेकडे केरळचे पदविधारक शिक्षक आहेत, त्या शाळांवर पालकांचाही ओढा अधिक आहे. सीबीएसई बोर्डाच्या शाळा वाढत असल्याने कॉन्व्हेंटमधील विद्यार्थ्यांनीही आता सीबीएसईच्या शाळांची वाट धरली आहे.