रस्त्यामुळे साकोलीकर त्रस्त

शिवाजी व पंचशील वॉर्डातील शारदा चौकापर्यंतचे रस्त्याचे नूतनीकरण व मजबुतीकरणाकडे प्रशासनाचे सातत्याने दुर्लक्ष होत आहे. गडकुंभली रोडचे रुंदीकरण करण्यात आलेले नाही. त्यामुळे येथे अपघाताची भीती वाढली आहे. याच मार्गावर समाजकल्याण विभागाचे वसतिगृह असून अनेक शासकीय कार्यालय आहेत. पंचायत समितीच्या इमारतीच्या बांधकामाला सुरुवात होणार आहे.

ठळक मुद्देरस्त्याच्या नूतनीकरणाची मागणी : पंचशील वॉर्डातील प्रकार

लोकमत न्यूज नेटवर्क
साकोली : येथील गडकुंभली रोड ते शिवाजी पंचशील वॉर्डाचे रस्त्याचे नूतनीकरण झाले नसल्याने नागरिक त्रस्त झाले आहेत. रस्त्यावर मोठमोठे खड्डे पडल्याने नागरिकांना गत काही दिवसांपासून त्रास सहन करावा लागत आहे.
शिवाजी व पंचशील वॉर्डातील शारदा चौकापर्यंतचे रस्त्याचे नूतनीकरण व मजबुतीकरणाकडे प्रशासनाचे सातत्याने दुर्लक्ष होत आहे. गडकुंभली रोडचे रुंदीकरण करण्यात आलेले नाही. त्यामुळे येथे अपघाताची भीती वाढली आहे. याच मार्गावर समाजकल्याण विभागाचे वसतिगृह असून अनेक शासकीय कार्यालय आहेत. पंचायत समितीच्या इमारतीच्या बांधकामाला सुरुवात होणार आहे. गडकुंभली येथील गावकऱ्यांसह मार्गावर अनेक विद्यार्थी शिक्षणासाठी ये-जा करतात. पर्यटन विभागाचे तुली पर्यटनस्थळ असल्याने मार्गावर वाहनांची संख्या जास्त असते. जिल्हा परिषद बांधकाम विभागाने याकडे लक्ष देण्याची गरज आहे.