साहुली-संगम पांदन रस्त्याचा सिमेंट पूल जीर्ण (टिप- कृपया बोल्ड केलेले वाक्य पाहणे.)

भंडारा तालुक्याच्या पश्चिम दिशेला वैनगंगा व कन्हान नदीच्या संगमावर वसलेले चार गावे, साहुली, सालेबर्डी-खैरी, संगम, पिपरी या गावांतील शेतकरी व शेतमजूर दोन हजार एकर शेती असलेल्या भागात मोठ्या संख्येने काम करण्याकरिता याच एकमेव सिमेंट पांदण रस्त्याच्या उपयोग करतात. सदर पूल जीर्ण झाल्यामुळे पुलियाचा बांधकाम खचला आहे. या पुलावर शेतकरी व मजुरांचे जाणे-येणे, बैलगाडी, मोठे वाहन पुलावरून दळणवळण करत होते. पुलीया खचल्यामुळे या मार्गावरील रहदारी बंद झाली आहे. शेतकऱ्यांचा खरीप हंगाम नुकताच लागलेला आहे. शेती कामासाठी ट्रॅक्टर, बैलगाडी, बैलजोडी शेती मशागतीसाठी न्यावे लागतात. तुटलेल्या पुलियावर जीवितहानी नाकारता येत नाही. शेतकऱ्यांना फार मोठा प्रश्न पडला. शेताची कशी मशागत करावी, शेतकरी व शेतमजुरांवर फार मोठे संकट आले आहे, पुलिया बांधकाम लवकरात लवकर करून देण्यात यावा, अशी मागणी विजय हटवार, गुणदेव घारगडे, महादेव डोकरीमारे, बाबुराव बारई, उदाराम लांबट, गजानन कारेमोरे, विलास कारेमोरे, अनिल बाळबुधे, भाऊचंद घारगडे, बारसराम बारई, दयाल घरडे, दुर्योधन बारई, किशोर सार्वे, जितेंद्र मेश्राम, किशोर अतकरी, प्रभू अतकरी या शेतकऱ्यांनी केली आहे.