गावगाड्यात वाहू लागले निवडणुकीचे वारे

भंडारा जिल्हा परिषद आणि सात पंचायत समितीची निवडणूक लवकरच घोषीत होणार आहे. या निवडणुकीत उभे राहणाºया इच्छूकांमध्ये आता चांगलीच चढाओढ दिसत आहे. प्रत्येक जण निवडणुकीसाठी तयारी करीत असल्याचे दिसून येत आहे. गावगाड्यातील राजकारण याच एका निवडणुकीवरून चांगलेच तापत आहे. भागवत सप्ताह, धार्मिक समारंभ आदी ठिकाणी संभाव्य उमेदवार हजेरी लावत आहेत

ठळक मुद्देइच्छुक गुडघ्याला बाशिंग बांधून : जिल्हा परिषद आरक्षण सोडतीकडे लक्ष

मुखरु बागडे।लोकमत न्यूज नेटवर्कपालांदूर (चौ.) : मिनी मंत्रालय अर्थात जिल्हा परिषद आणि पंचायत समितीची निवडणूक येत्या जून महिन्यात होण्याची शक्यता असून गावगाड्यात या निवडणुकीचे वारे जोरात वाहू लागले आहेत. अनेक इच्छूक गुडघ्याला बाशिंग बांधून असून सर्वांच्या नजरा १३ मार्च रोजी होणाऱ्या आरक्षण सोडतीकडे लागल्या आहेत.भंडारा जिल्हा परिषद आणि सात पंचायत समितीची निवडणूक लवकरच घोषीत होणार आहे. या निवडणुकीत उभे राहणाºया इच्छूकांमध्ये आता चांगलीच चढाओढ दिसत आहे. प्रत्येक जण निवडणुकीसाठी तयारी करीत असल्याचे दिसून येत आहे. गावगाड्यातील राजकारण याच एका निवडणुकीवरून चांगलेच तापत आहे. भागवत सप्ताह, धार्मिक समारंभ आदी ठिकाणी संभाव्य उमेदवार हजेरी लावत आहेत. एवढेच नाही तर लग्न आणि साक्षगंधातही जाऊन आपल्या उमेदवारीची चाचपणी करणारे कमी नाहीत. पाच वर्षातून एकदाच संधी मिळत असल्याने अनेक जण या निवडणुकीच्या तयारीला लागले आहेत. आपणच कसे सक्षम उमेदवार ठरू शकतो हे पटवून दिले जात आहे. प्रत्येकाचा डोळा जिल्हा परिषदेच्या निवडणुकीवर असला तरी अनेकांनी पंचायत समितीची सोबतच तयारी चालविली आहे. राजकीय पक्षानीही जिल्हा परिषदेची निवडणूक गांभीर्याने घेतली असून विविध बैठकांना वरिष्ठ नेते हजेरी लावत आहेत. प्रत्येक पक्षच या निवडणुकीत आपली ताकद पणाला लावणार आहेत. मात्र १३ मार्च रोजी होणाºया आरक्षण सोडतीनंतरच या निवडणुकीच्या चर्चेला खरी रंगत येणार आहे.जागा ५२; तिकिटासाठी मोर्चेबांधणीजिल्हा परिषदेच्या ५२ गटांसाठी लवकरच निवडणूक होणार आहे. मात्र प्रत्येक गटातून निवडणूक इच्छूकांची संख्या मोठी दिसत आहे. आपल्या राजकीय गॉडफादरच्या माध्यामातून तिकीट मिळविण्यासाठी अनेकांनी मोर्चेबांधणी सुरु केली.