स्वप्नपूर्ती शेतकऱ्यांचे स्वप्न साकारणार

तुमसर - बपेरा राज्य मार्गावरील सिंदपुरी गावात प्राथमिक शिक्षण घेणारे पवन कटनकार हा तरुण अभियंता आहे. शहरातील खासगी कंपनीची नोकरी सोडून गावात परतल्यानंतर त्यांनी शेतकऱ्यांचे विकास शेती उत्पादनात बदल तथा जैविक खतांचा वापर करण्याकरिता स्वप्नपूर्ती डेअरी आणि बायोप्रोडक्टस् नावाची गावात संस्था स्थापन केली. या संस्थेअंतर्गत पशुपालन आणि कुक्कुटपालन व्यवसाय सुरु केला आहे.

ठळक मुद्देगावात रोजगार निर्मिती : अभियंता तरुणाचे प्रयत्न सुरु, उत्पादन निर्मितीचा संकल्प

रंजित चिंचखेडे।
लोकमत न्यूज नेटवर्क
चुल्हाड (सिहोरा) : शहरात अभियंता पदावर खाजगी कंपनीत कार्यरत असताना लठ्ठ पगारांची नोकरी सोडून गावात शेती आणि पशूपालन व्यवसायातून रोजगार निर्मिती करणाऱ्या २९ वर्षीय तरुणाचे नाव आहे पवन कटणकार रा.सिंदपुरी. या तरुणाने स्वत: उत्पादन तयार करीत अनेक शहरात विक्री केरीत आहे.
तुमसर - बपेरा राज्य मार्गावरील सिंदपुरी गावात प्राथमिक शिक्षण घेणारे पवन कटनकार हा तरुण अभियंता आहे. शहरातील खासगी कंपनीची नोकरी सोडून गावात परतल्यानंतर त्यांनी शेतकऱ्यांचे विकास शेती उत्पादनात बदल तथा जैविक खतांचा वापर करण्याकरिता स्वप्नपूर्ती डेअरी आणि बायोप्रोडक्टस् नावाची गावात संस्था स्थापन केली. या संस्थेअंतर्गत पशुपालन आणि कुक्कुटपालन व्यवसाय सुरु केला आहे. हे दोन्ही व्यवसाय एकमेकांना पुरक आहेत. गाईच्या शेणापासून त्यांनी गांढूळ खत निर्मिती केली. त्यांनी तसा प्लांट निर्माण केला आहे. या खतांची विक्री स्वप्नपूर्ती नावाने राज्याचे अनेक शहरात विक्री होत आहे. गाईच्या शेण आणि गोमुद्रापासून अनेक उत्पादन तयार करण्याकरिता त्यांनी पुढाकार घेतला आहे. शेण आणि गोमुत्रापासून मच्छर अगरबत्ती, धूपबत्ती, फ्लोअर क्लीनर, अ‍ॅशवॉश डिश वॉश, शेण, गोमुत्र सारखे उत्पादन तयार केली आहेत. शेण, गोमुत्र आणि वनस्पतीपासून तयार करण्यात आलेल्या उत्पादनाला बाजारात मागणी आहे. गांढूळ खत शेतीला लायदा करणार असल्याने स्वस्त दरात शेतकऱ्यांना उपलब्ध करीत आहे. गावात शेतकऱ्यांकडे पशूपालन असताना गांढूळ खत निर्मिती करण्यात येत नाही. शेतकऱ्यांना गांढूळ खत निर्मितीचे खडे पवन देत आहे. याशिवाय अनेक पीक पद्धतीतून शेतकऱ्यांचे आर्थिक स्थैर्य उंचाविण्याकरिता प्रयत्न करीत आहेत. प्रायोगीक तत्वावर पवनने स्वत:चे शेतीत काळ्या तांदळाचे उत्पादन घेतले. या तांदळापासून अनेक बाजारावर उपाययोजना करता येतो. या शिवाय आरएनआर १५०४८ वाणाची रोवणी चार एकरात केली. शुगरफ्री असल्याने आरोग्यास लाभ देणारे तांदूळ आहे. या तांदळाचे भरीव उत्पादन त्यांनी घेतले. सध्या गोवऱ्यांची मागणी फार मोठ्या प्रमाणावर आहे. परंतु गावातून गोवऱ्यांची निर्मिती नामशेष होण्याचे मार्गावर आहे. गोवऱ्या व्यवसायातून मोठ्या प्रमाणावर रोजगार निर्मितीचे प्रयत्न सुरु केले आहो. उत्तरप्रदेश, मराठवाडा व अन्य प्रांतात गोवऱ्यांना मोठी मागणी आहे.

बायोगॅस प्रकल्पातून शेतकऱ्यांना फायदा होणार आहे. शेणविक्रीतून त्यांना आर्थिक फायदा होईल. याशिवाय त्यांना मार्गदर्शन करण्यात येत आहे.
-पवन कटनकार, सचिव, स्वप्नपूर्ती डेअरी, सिंदपुरी.