रविवारी ४९० व्यक्तींच्या घशातील स्त्रावाचे नमुने तपासण्यात आले. त्यापैकी १६ व्यक्ती कोरोना पॉझिटिव्ह आढळून आल्या आहेत. आतापर्यंत १ लाख १२ हजार ५०० व्यकींच्या घशातील स्त्रावाची तपासणी करण्यात आली. त्यात १२ हजार ९८० व्यक्ती कोरोना पॉझिटिव्ह आढळून आल्या.
जिल्ह्यात आज कोरोना पॉझिटिव्ह आलेल्यांमध्ये भंडारा तालुक्यातील नऊ, मोहाडी २, तुमसर २, पवनी १, लाखनी २ व्यक्तीचा समावेश आहे. आतापर्यंत १२ हजार ३५६ ग्णांनी कोरोनावर यशस्वीपणे मात केली आहे. जिल्ह्यात आता ३०९ क्रियाशील रुग्ण आहेत. रविवारी कोरोनामुळे एका रुग्णांचा मृत्यू झाला असून जिल्ह्यात कोरोनामुळे मृतांची संख्या एकूण ३१५ झाली आहे. जिल्ह्याचा मृत्युदर ०२.४३ टक्के एवढा आहे.
शासकीय व खासगी रुग्णालयात बाह्यरुग्ण विभागात येणाऱ्या कोणत्याही तापाच्या रुग्णांची कोविड चाचणी प्रिस्क्राइब करावी, असे निर्देश जिल्हाधिकारी संदीप कदम यांनी दिले आहेत.