कंटेन्मेट हटूनही साहित्य पडून

कोरोना बाधित रुग्ण बरा झाल्यानंतर १५ जूनला जिल्हा प्रशासनाने एका पत्राद्वारे अडयाळ भागातील निश्चित केलेला कंटेन्मेंट क्षेत्र व बफर क्षेत्रावर असणारे प्रतिबंध गेली सात दिवसांपुर्वी हटविण्यात आले. परंतु कंटेन्मेंट क्षेत्रातील मुख्य मार्गावर ठेवण्यात आलेले डस्टबिन व गेट आजही तिथेच असल्याने गावात चर्चेला उत आला आहे.

ठळक मुद्देअड्याळ येथील प्रकार : ग्रामपंचायत प्रशासनाची उदासीनता

लोकमत न्यूज नेटवर्क
अडयाळ : परिसरात कोरोना बाधित रुग्ण आढळल्यानंतर जिल्हा प्रशासनाने येथील काही भाग कंटेन्मेंट व बफर झोन म्हणून घोषीत केले. सदर आदेश मागे घेतल्यानंतरही ग्रामपंचायत प्रशासनाने तिथे लावलेले बॅरिकेट व अन्य साहित्य आजही तसेच पडून आहेत.
जिल्हा प्रशासनाने अडयाळ येथे कोरोना बाधित रुग्ण आढळून आल्याने व त्याचा प्रादुर्भाव इतर भागात पसरू नये, याकरिता सार्वजनिक आरोग्याच्या दृष्टीने तसेच नागरिकांचे हित व सुरक्षेस्तव तथा अधिकच्या आवश्यक उपाययोजना तातडीने करण्यासाठी उपाययोजना केल्या होत्या. कोरोना बाधित रुग्ण बरा झाल्यानंतर १५ जूनला जिल्हा प्रशासनाने एका पत्राद्वारे अडयाळ भागातील निश्चित केलेला कंटेन्मेंट क्षेत्र व बफर क्षेत्रावर असणारे प्रतिबंध गेली सात दिवसांपुर्वी हटविण्यात आले. परंतु कंटेन्मेंट क्षेत्रातील मुख्य मार्गावर ठेवण्यात आलेले डस्टबिन व गेट आजही तिथेच असल्याने गावात चर्चेला उत आला आहे.
जेव्हा त्या क्षेत्रात प्रतिबंध लागू करण्यात आले होते तेव्हा तेथील ग्रामस्थांना लागणाऱ्या अतिआवश्यक वस्तू तथा सेवा देण्यासाठी गावातील सात स्वयंसेवकांची टीम तयार करण्यात आली होती. त्या क्षेत्रातुन काम आटोपून बाहेर निघताना ठेवलेल्या डस्टबिन मध्ये हातातील ग्लोज, मास्क तथा कॅप तिथेच काढावे लागत होते. तेथे असलेल्या डस्बिनमध्ये नेमके काय आहे, याची भीती अनेकांना असल्याची चर्चा सध्या अड्याळ येथे रंगत आहे.