विनायक चतुर्थी २०२६: शनिवार आणि चतुर्थीचा दुर्मिळ योग! घराची 'ऊर्जा' बदलण्यासाठी करा 'हे' वास्तुउपाय!

Vinayak Chaturthi 2026: घरात सुख-समृद्धी आणि शांतता आणणारे प्रभावी वास्तु उपाय विनायक चतुर्थी निमित्ताने जरूर करा.

शनिवार, २१ फेब्रुवारी रोजी आलेली फाल्गुन विनायक चतुर्थी(Vinayak Chaturthi 2026) ही गणेशाच्या आशीर्वादाने वास्तुदोष दूर करण्यासाठी आणि घरात सुख-समृद्धी आणण्यासाठी अत्यंत शुभ मानली जाते. शनिवार आणि चतुर्थीचा हा योगायोग 'कार्यसिद्धी'साठी अत्यंत प्रभावी ठरतो. या शुभ मुहूर्तावर घराची नकारात्मकता दूर करण्यासाठी खालील वास्तु उपाय तुम्ही करू शकता. 

Holika Dahan 2026: यंदा होळीत द्या 'या' ८ वस्तूंची आहुती; दारिद्र्य, रोगराई, गृहक्लेशातून मिळेल मुक्ती

विनायक चतुर्थी हा दिवस विघ्नहर्ता गणेशाला समर्पित आहे. वास्तुशास्त्रानुसार, श्रीगणेश हे वास्तूचे रक्षक मानले जातात. शनिवारी येणाऱ्या या चतुर्थीला खालील उपाय केल्यास घरातील अडथळे दूर होऊन प्रगतीचे मार्ग मोकळे होतात.

१. मुख्य प्रवेशद्वारावर 'स्वस्तिक' काढा

घराचा मुख्य दरवाजा हा ऊर्जेचा प्रवेशमार्ग असतो. या दिवशी घराच्या मुख्य दरवाजावर शेंदूर किंवा कुंकू आणि गाईचे तूप एकत्र करून 'स्वस्तिक' काढा. स्वस्तिक काढल्याने घरातील नकारात्मक ऊर्जा नष्ट होते आणि वास्तूमध्ये शुभ लहरींचा संचार होतो.

२. ईशान्य कोपऱ्याची शुद्धी (ईशान्य दिशा)

घराचा ईशान्य कोपरा (North-East) हा देवाचा कोपरा मानला जातो. चतुर्थीच्या दिवशी हा कोपरा स्वच्छ करून तिथे एका कलशात पाणी भरून ठेवा आणि त्यात थोडे गंगाजल व अक्षता टाका. यामुळे घरातील वास्तुदोष कमी होतात आणि मानसिक शांती लाभते.

३. 'मीठ' आणि पाण्याचा उपाय

शनिवार आणि चतुर्थीचा योग असल्याने, घर पुसताना पाण्यात थोडे खडे मीठ (Sea Salt) टाका. मीठ हे नकारात्मक ऊर्जा शोषून घेण्याचे काम करते. यामुळे घरातील चिडचिड, वाद आणि जडपणा कमी होण्यास मदत होते.

Vastu Tips: हो! घराला कान असतात आणि मनही! वास्तू खरेदी करताना लक्षात ठेवा 'या' गोष्टी!

४. गणपतीला २१ 'दुर्वा' अर्पण करा

वास्तूमध्ये सुख आणि समृद्धी टिकून राहण्यासाठी या दिवशी गणपतीला २१ दुर्वांच्या जोड्या अर्पण करा. अर्पण करताना 'ॐ गं गणपतये नमः' या मंत्राचा उच्चार करा. यामुळे घरावरील आर्थिक संकट दूर होते, असे मानले जाते.

५. संध्याकाळी 'गुग्गुळ' किंवा 'लोबान'चा धूर करा

शनिवारी घरात नकारात्मकता वाढण्याची शक्यता असते. विनायक चतुर्थीच्या संध्याकाळी घरात गुग्गुळ, लोबान किंवा कापूर जाळून त्याचा धूर संपूर्ण घरात दाखवा. यामुळे घरातील जड आणि बोथट स्पंदने (Vibrations) बाहेर ढकलली जातात आणि वातावरण प्रवाही होते.

Karmayoga: ज्यांनी तुम्हाला रडवलंय, त्यांना काळ उत्तर देईल; वाचा भगवान श्रीकृष्णांनी सांगितलेला कर्मसिद्धांत!

विनायक चतुर्थी २०२६: विशेष टीप

पूजेची वेळ: दुपारी मध्यान्ह काळात (गणेश जन्माच्या वेळी) गणपतीची पूजा करणे विशेष फलदायी ठरते.
दान: या दिवशी गरजूंना शक्य असल्यास पांढऱ्या वस्तूंचे (उदा. तांदूळ, साखर) दान करा, लाभ होईल!