Vastu Shastra: मनी प्लांट चुकीच्या दिशेला ठेवाल, तर आयुष्यभर पश्चात्ताप कराल; पाहा योग्य दिशा!

Vastu Shastra: वास्तूमध्ये भरभराट आणणारे मनी प्लांट हौसेने विकत आणले जाते, मात्र चुकीच्या दिशेला ठेवले गेले तर पैसे वाढायचे सोडून दारिद्रय वाढते. 

वास्तूशास्त्रानुसार, मनी प्लांट (Money Plant) घरात ठेवणे अत्यंत शुभ मानले जाते. या वनस्पतीमुळे घरात धन आणि सकारात्मकता येते, अशी मान्यता आहे. मात्र, जर याला योग्य दिशेला ठेवले नाही, तर त्याचे सकारात्मक परिणाम मिळण्याऐवजी घरात नकारात्मकता वाढते आणि आर्थिक समस्या वाढू शकतात. वास्तू तज्ज्ञांच्या मते, मनी प्लांटला घरात खालील तीन ठिकाणी चुकूनही ठेवू नये. यामुळे घरातील सुबत्ता जाऊन गरिबी येऊ शकते.

Numerology: अंकशास्त्रानुसार आपल्यासाठी कोणत्या जन्मतारखेची व्यक्ती परफेक्ट जोडीदार असते?

१. दक्षिण-पश्चिम दिशा 

वास्तूशास्त्रानुसार, मनी प्लांट ठेवण्यासाठी घराची दक्षिण-पश्चिम दिशा (नैऋत्य दिशा) अशुभ मानली जाते. या दिशेला मनी प्लांट ठेवल्यास घरात आर्थिक अस्थिरता वाढते. व्यक्तीच्या हातात पैसा टिकून राहत नाही आणि घरात नेहमी पैशाचे संकट राहते. कारण, ही दिशा स्थिरता आणि पृथ्वी तत्त्वाची असते. मनी प्लांटला या दिशेत ठेवल्यास, ते आर्थिक आवक कमी करते. त्यामुळे या दिशेतील मनी प्लांट तात्काळ काढून टाकावा.

२. पश्चिम दिशा 

वास्तूशास्त्रानुसार, घराची पश्चिम दिशा (West Direction) शनि ग्रहाशी संबंधित मानली जाते. या दिशेला मनी प्लांट ठेवल्यास, आर्थिक समस्या वाढतात आणि धनाची आवक मंदावते. या दिशेत केवळ शमीसारख्या विशिष्ट वनस्पती ठेवणे योग्य मानले जाते. पश्चिम दिशा लोखंडी वस्तू किंवा जड सामान ठेवण्यासाठी योग्य मानली जाते. येथे मनी प्लांट ठेवल्याने आर्थिक आवक येताना मोठे अडथळे येतात.

Swapna Shastra: स्वप्नात स्वतःचा मृत्यू पाहणे हे शुभ की अशुभ लक्षण? स्वप्नशास्त्र काय सांगते पाहू

३. बाथरूम किंवा टॉयलेटजवळ

मनी प्लांटला बाथरूम किंवा टॉयलेटच्या (शौचालयाच्या) जवळ ठेवणे अत्यंत चुकीचे ठरते. त्यामुळे वास्तू दोष निर्माण होऊ शकतो. बाथरूम हे नकारात्मक ऊर्जेचे ठिकाण मानले जाते. या दिशेत मनी प्लांट ठेवल्याने घरात नकारात्मक ऊर्जेचा संचार वाढतो, ज्यामुळे लक्ष्मी माता (Goddess Lakshmi) रुष्ट होते. या जागेवर ठेवलेला मनी प्लांट कितीही श्रीमंत व्यक्तीला कंगाल करू शकतो, असे मानले जाते. त्यामुळे बाथरूमजवळ मनी प्लांट ठेवण्याची चूक कधीही करू नये.

मनी प्लांट ठेवण्यासाठी योग्य दिशा कोणती?

वास्तूशास्त्रानुसार, मनी प्लांट ठेवण्यासाठी घराची उत्तर (North) आणि ईशान्य (North-East) दिशा सर्वात उत्तम मानली जाते. या दिशेत मनी प्लांट ठेवल्याने घरात सकारात्मक ऊर्जा, धन-धान्य आणि सुख-समृद्धी वाढते. ज्या घरात मनी प्लांट वास्तूच्या नियमांनुसार ठेवला जातो, त्या घरात कधीही पैशाची कमतरता भासत नाही. 

Numerology: प्रत्येक स्त्री ही गृहलक्ष्मी असते; पण 'या' जन्मतारखेची स्त्री ठरते 'भाग्यलक्ष्मी'!

टीप: वास्तू आणि ज्योतिष शास्त्रावर आधारित ही माहिती केवळ सामान्य मान्यतांवर आधारित आहे. कोणत्याही मोठ्या निर्णयापूर्वी तज्ञांचा सल्ला घेणे उचित आहे.