शनिवारी विनायक चतुर्थी: गणपती बाप्पा अन् शनिचे ‘हे’ उपाय कराच; अखंड शुभाशिर्वाद मिळवा

Ganesh Puja For Shani Sade Sati: शनिवारी विनायक चतुर्थीला गणपती आणि शनि यांचे नेमके कोणते उपाय करणे अत्यंत लाभदायक ठरू शकेल? जाणून घ्या...

Ashadh Vinayak Chaturthi June 2025 Upay In Marathi: गणपती बुद्धीची देवता आहे. गणपती ही वैश्विक देवता आहे. गणेश ही प्रेरणा देणारी देवता आहे. गणपतीची शाश्वत भक्ती लाभण्यासाठी, कृपा होण्यासाठी प्रत्येक महिन्यातील शुद्ध चतुर्थी तिथीला विनायक चतुर्थीचे व्रत केले जाते. विनायक चतुर्थी पुण्यप्रद मानली गेली आहे. शनिवार, २८ जून २०२५ रोजी विनायक चतुर्थी आहे. या दिवशी शनि ग्रह आणि गणपती बाप्पांशी निगडीत काही उपाय करणे अत्यंत लाभदायक ठरू शकते, असे म्हटले जात आहे. 

गणपती बाप्पा हे आबालवृद्धांचे आराध्य दैवत! प्रत्येक मासाच्या शुद्ध चतुर्थीला ‘विनायक चतुर्थी’ असे म्हटले जाते. मासाच्या शुद्ध आणि वद्य चतुर्थीला गणेश व्रत सांगितले आहे. मासातून दोन चतुर्थ्या म्हणजे वर्षाच्या चोवीस चतुर्थ्या झाल्या. गणेशाचे हे चोवीस अवतार विविध ग्रंथांमध्ये नमूद आहेत, असे म्हटले जाते. शनिवार या दिवसावर शनि ग्रहाचा अंमल असतो, असे म्हटले जाते. ज्या राशींची शनि साडेसाती किंवा शनिचा ढिय्या प्रभाव आहे, अशा लोकांनी आवर्जून काही उपाय करावेत, असे सांगितले जाते. 

गणपती बाप्पा अन् शनिचे ‘हे’ उपाय करावेत

- शक्य असेल तर आवर्जून गणपती मंदिरात जाऊन बाप्पाचे दर्शन घ्यावे.

- विनायक चतुर्थीचे संपूर्ण व्रत करणे शक्य झाले नाही, तरी गणपतीला एक दुर्वांची जुडी अवश्य अर्पण करावी.

- शक्य असेल तर २१ दुर्वांची जोडी अर्पण करावी.

- दुर्वांसह जास्वंदीचे फूल किंवा लाल फूल वाहावे, लाडू-मोदक अर्पण करावे.

- अथर्वशीर्ष पाठ असल्यास २१ वेळा आवर्तन करावे.

- ‘ॐ गं गणपतये नम:’ या मंत्राचा १०८ वेळा जप करावा.

- आताच्या घडीला कुंभ, मीन आणि मेष राशींची साडेसाती सुरू आहे. तसेच सिंह आणि धनु राशींवर शनि ढिय्या प्रभाव सुरू आहे. 

- शनिवारी सकाळी तसेच प्रदोष काळी, तिन्ही सांजेला दिवे लागणीला शनी देवाचे स्मरण, पूजन करावे.

- साडेसाती सुरू असताना आपल्या इष्टदेवतेचा जप रोज करणे लाभप्रद ठरते.

- शनीची साडेसाती सुरू असताना प्रतिकूल प्रभाव कमी करण्याची मारुती, विष्णू, महादेव या देवांची उपासना, नामस्मरण उपयुक्त ठरते, असे सांगितले जाते.

- शनिवारी शनिदेवाच्या मंदिरात जाऊन काळे तीळ अर्पण करावे. तेलाचा दिवा लावावा.

- स्वकष्टार्जीत धनातून गरजूंना अन्नधान्य दान करावे. शनिवारी काहीतरी दान करावे. 

- शनि बीज मंत्राचा जप करावा. विशेषत: शनिवारी अवश्य करावा. 

- हनुमंताचे दर्शन घेणे, समर्थ रामदासकृत मारुतीस्तोत्र म्हणावे, हनुमान चालीसा, बजरंगबाण किंवा सुंदरकांड ही हनुमंताच्या पराक्रमाचे गुणवर्णन करणारी स्तोत्रे म्हणावीत. 

- शनीची उपासना, शनी स्तोत्राचे २१ वेळा पठण, शनी चालीसा पठण, शनीदर्शन असे उपाय सांगितले जातात.

- ज्या लोकांना शनी महादशामुळे त्रास होत असेल त्यांनी या शनीधामाची यात्रा करणे लाभदायक मानले गेले आहे. 

- पिंपळाच्या झाडाशी दूध आणि पाणी मिसळून दर शनिवारी नियमितपणे अर्पण करावे.

- सदर माहिती सामान्य गृहीतके आणि मान्यतांवर आधारित असून, यासंदर्भात तज्ज्ञ व्यक्तींचा सल्ला घेणे उपयुक्त ठरू शकेल, असे सांगितले जात आहे.

|| गणपती बाप्पा मोरया, मंगलमूर्ती मोरया ||