आपेगाव कोविड केअर सेंटरमध्ये योगाचे धडे

जिल्हा परिषद आरोग्य विभाग, बीड, इंटरनॅशनल डेव्हलपमेंट इंडियन असोसिएशन (इंडिया) संस्था, अंबाजोगाई यांच्या संयुक्त विद्यमाने तसेच मानवलोक संस्था, अंबाजोगाई, ग्रामपंचायत आपेगाव आणि श्री ज्ञानेश्वर शिक्षण संस्था यांच्या मदतीने श्री जयकिसान महाविद्यालय, आपेगाव या ठिकाणी जि. प. सदस्य राजेसाहेब देशमुख यांच्या संकल्पनेतून आपेगाव येथे उभारण्यात आलेल्या ५० खाटांच्या कोविड केअर सेंटरमध्ये कोरोनाबाधित व सौम्य लक्षणे असलेल्या रुग्णांवर या ठिकाणी मोफत औषधोपचार करून रुग्णांना दररोज योगाचे धडे दिले जात आहेत.

याबाबत माहिती देताना राजेसाहेब देशमुख म्हणाले की, अंबाजोगाईच्या ग्रामीण भागात कोरोनाबाधित रुग्णांची दररोज वाढत असलेली संख्या लक्षात घेऊन गरजू रुग्णांना खाटा उपलब्ध व्हाव्यात तसेच त्यांची उपचारासाठी होणारी परवड थांबावी, याच विधायक उद्देशाने आपेगाव येथे स्त्री व पुरुष रुग्णांसाठी उपचाराची स्वतंत्र व्यवस्था असलेले कोविड केअर सेंटर सुरू करण्यात आले. येथे मेडिकल स्टाफ, आवश्यक औषधे, सुविधा उपलब्ध आहेत. कोरोनाशी लढा देण्यासाठी स्वतःची रोगप्रतिकारक क्षमता मजबूत करणे आवश्यक आहे. त्यामुळे हसत-खेळत व आनंदी वातावरणात बाधितांवर उपचार करण्यात येत आहेत. सध्या कोरोना या रोगात योगाचे उपचार महत्त्वाचे ठरत आहेत.

नियमित योग व व्यायाम करण्याने सुदृढ शरीरासह सकारात्मक मानसिकता वाढीस लागते. त्याअनुषंगाने तालुका आरोग्य अधिकारी डॉ. बालासाहेब लोमटे यांच्या मार्गदर्शनाखाली डॉ. अजय ठोंबरे, डॉ. धनेश्वर मेनकुदळे, डॉ. व्यंकट बेंबडे, डॉ. फड, डॉ. भारत नागरे, डॉ. गायत्री ढमाले, परिचारिका कावरे, ढाकणे, कराड, देशमुख, मुंडे, जगदाळे, शिंदे तसेच कर्मचारी अशोक राऊत, बालाजी वाघमारे, रवी सरवदे, अजित बनसोडे आदींच्या सहकार्यातून या कोविड केअर सेंटरमधील रुग्णांना योगाभ्यासाचे धडे देण्यात येत आहेत.

याकामी देशमुख यांना नीलेशराव शिंदे, जयजीतबापू शिंदे, प्रवीण देशमुख, राजाभाऊ देशमुख, बाळासाहेब जगताप, आश्रुबा करडे, बळीराजे वाघमारे, बालासाहेब तट, पिंटू शिंदे, शेख अस्लम यांचे सहकार्य लाभत आहे. रोगप्रतिकारक क्षमता वाढावी आणि श्वसनसंस्था मजबूत होऊन शरीरात अधिकाअधिक प्राणवायूचा संचार व्हावा, यासाठी योग अभ्यासक इंगळे यांच्याकडून दररोज सकाळी ७ ते ८ या वेळेत योगासने, प्राणायाम यांचे धडे दिले जात आहेत. यावेळी शासनाच्या नियमांचे योग्य पालन केले जात आहे.

===Photopath===

240521\avinash mudegaonkar_img-20210523-wa0042_14.jpg