Suicide of a newlywed couple in a domestic dispute | कौटुंबिक वादातून संसार उद्ध्वस्त; पत्नीने विषारी द्रव्य प्राशन करून तर पतीची गळफास घेऊन आत्महत्या

कौटुंबिक वादातून संसार उद्ध्वस्त; पत्नीने विषारी द्रव्य प्राशन करून तर पतीची गळफास घेऊन आत्महत्या

ठळक मुद्देपत्नीने केली विषारी द्रव्य प्राशन करून आत्महत्या पत्नीच्या मृत्यूनंतर पतीची गळफास घेऊन आत्महत्या

परळी - तालुक्यातील पांगरी कॅम्प येथे नवविवाहितेचा विषारी द्रव्य प्राशन केल्याने मृत्यू झाला. तर यानंतर काही तासात तिच्या पतीने गळफास घेऊन आत्महत्या केल्याची धक्कादायक घटना मंगळवारी रात्री उघडकीस आली आहे. प्रियंका सायस पंडित (वय 19.) आणि सायस पंडित (25 ) अशी मृत पती -पत्नीचे नाव आहेत. 

याबाबत अधिक माहिती अशी की, पांगरी कॅम्प येथे राहणाऱ्या प्रियंका व सायस यांचा काही महिन्यापूर्वीच विवाह झाला होता. मंगळवारी दोघांत कौटुंबिक कारणाने वाद झाला. त्यातूनच प्रियंकाने सायंकाळी सहाच्या सुमारास विषारी द्रव्य प्राशन केले. तिला लागलीच उपचारासाठी परळीच्या रुग्णालयात आणण्यात आले. परंतु, डॉक्टरांनी तपासून तिला मृत घोषित केले. यानंतर रात्री अकराच्या सुमारास सायस याने पांगरी कॅम्प येथील एका घरात गळफास घेऊन आत्महत्या केली. दोघांचेही मृतदेह शवविच्छेदनासाठी परळीतील उपजिल्हारुग्णालय आणण्यात आले आहेत. दरम्यान, दोघांच्याही नातेवाईकांनी रुग्णालयात गर्दी केली आहे. ग्रामीण पोलीस निरीक्षक शिवलाल पूर्भे यांनी पांगरी कॅम्प येथील घटनास्थळाची पाहणी केली असून पुढील कारवाई सुरु आहे.

Web Title: Suicide of a newlywed couple in a domestic dispute

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.