Maharashtra Assembly Election 2019 : शिवसैनिकांचा निर्धार, जयदत्त क्षीरसागर पुन्हा आमदार

जुन्या-नव्या शिवसैनिकांनी वज्रमूठ आवळली

बीड : आगामी बीड विधानसभा निवडणुकीमध्ये जयदत्त क्षीरसागर यांना पुन्हा आमदार करण्याचा निर्धार तरुणांनी व शिवसैनिकांनी केला आहे, असे मत शिवसेना जिल्हाध्यक्ष सचिन मुळूक यांनी व्यक्त केले आहे. क्षीरसागरांच्या सभांना ठिकठिकाणी उत्स्फूर्त प्रतिसाद मिळत असून, जुने - नवे शिवसैनिक त्यांना आमदार करण्यासाठी कामाला लागले आहेत.

पुढे बोलताना मुळूक म्हणाले, जयदत्त क्षीरसागर यांचा मतदारसंघातील जनसंपर्क दांडगा असून, प्रत्येक वाडी वस्तीवर त्यांनी विकास काम पोहचविले आहे. त्या माध्यमातून मोठा तरुण वर्ग त्यांच्याकडे आकर्षित होत असून, आगामी विधानसभा निवडणुकीत क्षीरसागरांना पुन्हा आमदार करण्याचा निर्धार गावागावातील तरुणांमधून केला जात आहे. 

निवडणुकीच्या पार्श्वभूमीवर मतदार संघातील नवगण राजुरी, कामखेडा व सर्व पं. स. गणातील गावामध्ये ते दौरा करणार असून, यावेळी कार्यकर्त्यांशी बातचित करणार आहेत. जयदत्त क्षीरसागर गावामध्ये आल्यानंतर तरुण वर्गाकडून उत्साहात स्वागत केले जात आहे. त्यामुळे जयदत्त क्षीरसागर हेच पुन्हा आमदार असतील असा विश्वास मुळूक यांनी व्यक्त केला.