जुगार अड्ड्यावर धाड, तिघे ताब्यात

तालुक्यातील कोरेगाव येथे सावंतवाडी रोडवर सादिक शेख यांच्या शेतात पत्र्याच्या शेडमध्ये झन्नामन्ना नावाचा जुगार खेळत व खेळविल्या जात असल्याची माहिती पोलिसांना मिळाली होती. त्यावरून १७ मार्च रोजी दुपारी साडेचार वाजता पोलिसांनी धाड टाकली. यावेळी बालासाहेब सुखदेव गालफाडे , प्रकाश विश्वनाथ गालफाडे (दोघे रा. चिंचोलीमाळी ता. केज) व सुरेश भीमराव पौळ (रा. पालम ता. पालम जि. परभणी ह. मु. कोरेगाव ता. केज) हे विनापरवाना बेकायदेशीरपणे जुगार खेळताना मिळून आले.

दरम्यान, संबंधित तिघांना पोलिसांनी ताब्यात घेत जुगाराचे साहित्य व रोख २५६० रुपये जप्त केले. पो.ना. सिद्धेश्वर डोईफोडे यांच्या फिर्यादीवरून केज पोलिसांत गुन्हा दाखल असून तपास पो. कॉ. दिनकर पुरी हे करत आहेत.