Beed News | Latest Beed News in Marathi | Beed Local News Updates | ताज्यबातम्या बीड | बीड समाचार | Beed Newspaper

लोकमत न्यूज नेटवर्कमाजलगाव : शहरातील मोंढा भागामधून व्यापा-याची बॅग लुटून पळून जाणा-या दोघांपैकी एकाला अर्ध्या तासातच जेरबंद करण्यात आले. पोलिसांच्या तत्परतेमुळे ही कारवाई यशस्वी झाली. बॅग आणि त्यातील रोख रक्कमही सुरक्षित राहिली.येथील संजय मुलचंद अब्बड यांचा किराणा आणि तेलाचा व्यवसाय आहे. सोमवारी रात्री ८.३० च्या सुमारास दुकान बंद करुन बॅग घेऊन घरी निघाले असता दुचाकीवरुन आलेल्या दोघांनी अब्बड यांची बॅग हिसकावली. यामध्ये १ लाख ८३ हजार रुपये होते. हा प्रकार घडताच अब्बड यांनी आरडाओरडा केला. तसेच पोलिसांना कळविण्यात आले. शहर पोलीस ठाण्याचे पोलीस निरीक्षक सय्यद सुलेमान हे सहकाऱ्यांसह घटनास्थळी पोहचले. तसेच रविवारी झालेल्या चोरीच्या घटनेप्रकरणी तपासासाठी गेलेले गुन्हे अन्वेषण विभागाचे सहायक पोलीस निरीक्षक अमोल धस, माजलगावचे एएसआय पवार आणि सहका-यांनी नियोजन करुन शहरात नाकाबंदी केली. अर्ध्या तासातच इदगाह रोड भागात सोन्या उर्फ केदारनाथ नागूराव दराडे (वय २७, रा. फुलेनगर) याला बॅगसह ताब्यात घेण्यात आले. त्याचा सहकारी मात्र पसार झाला. त्याचा शोध सुरु आहे. याप्रकरणी संजय अब्बड यांच्या फिर्यादीवरुन माजलगाव पोलीस ठाण्यात गुन्हा दाखल करण्याची प्रक्रिया सुरु होती.लुटीनंतर पोलिसांनी तात्काळ सूत्रे हलविली. नागरिकांनीही सहकार्य केले. त्यामुळे अर्ध्या तासात आरोपीला बॅग व रकमेसह पकडण्यात यश आले.

Beed (Marathi News)

अद्यापपर्यंत पोलिसांच्या हाती कसलाच धागादोरा लागलेला नाही. ...

धनराज, गोविंद व गणेश उमाजी गित्ते (सर्व रा.चांदापूर ता.परळी) अशी हद्दपार केलेल्या गुंड भावंडांची नावे आहेत. ...

अर्ज प्राप्त झाल्यानंतरही बीड शहर पोलिसांनी आरोपीचा अद्याप शोध घेतलेला नाही. ...

सातव्या आयोगाप्रमाणे वेतन निश्चितीसाठी मागितली लाच ...

मध्यवर्ती बसस्थानक परिसरात खिसेकापू पुन्हा सक्रिय झाले आहेत. ...

आजघडीला ५९९ छावण्या कार्यरत आहेत. एका महिन्यात छावण्यांवरील जनावरांची संख्या दुप्पट झाली आहे. ...

मोंढा भागामधून व्यापा-याची बॅग लुटून पळून जाणा-या दोघांपैकी एकाला अर्ध्या तासातच जेरबंद करण्यात आले. ...