आरोग्य विभागाने पालकमंत्री धनंजय मुंडे यांच्या मागणीनुसार आरोग्य संचालक स्तरावरून खरेदी प्रक्रिया राबवून आरोग्य उपसंचालक, लातूर यांच्यामार्फत या आठ रुग्णवाहिका बीड जिल्हा आरोग्य विभागाला सुपुर्द केल्या आहेत.
यांपैकी २ रुग्णवाहिका बीड जिल्हा रुग्णालयात, २ स्त्री-रुग्णालय लोखंडी सावरगाव (ता. अंबाजोगाई), परळी उपजिल्हा रुग्णालय १, केज उपजिल्हा रुग्णालय १, गेवराई उपजिल्हा रुग्णालय १, धानोरा ग्रामीण रुग्णालय १ याप्रमाणे वितरित केल्या जाणार आहेत.
पालकमंत्री धनंजय मुंडे हे कोविड नियंत्रण, उपचार व उपाययोजनांच्या प्रत्येक बाबीवर बारकाईने लक्ष ठेवून, आवश्यक सामग्रीसाठी राज्य शासनाकडे सातत्याने पाठपुरावा करीत आहेत. जिल्ह्यातील जनतेला कोरोनापासून सुरक्षित ठेवणे हे आपले लक्ष असून, बाधित रुग्णांना वेळेत उपचार मिळण्यासाठी काहीही कमी पडू देणार नाही, असे धनंजय मुंडे यांनी म्हटले आहे. जिल्हा कोरोनामुक्त करण्यासाठी ते प्रयत्न करीत आहेत. दरम्यान, जिल्ह्यात आठ नव्या रुग्णवाहिका दाखल झाल्याने रुग्णवाहतुकीमध्ये येणाऱ्या अडचणींत मोठ्या प्रमाणात दिलासा मिळणार आहे.
===Photopath===
250521\avinash mudegaonkar_img-20210525-wa0070_14.jpg