पोलीस दलात सध्या बदल्यांची प्रक्रिया सुरू आहे. यापूर्वी पोलीस शिपाई ते सहायक उपनिरीक्षक पदावरील अंमलदारांच्या प्रशासकीय बदल्या करण्यात आल्या आहेत. पोलीस अंमलदारांना स्वत:च्या तालुक्यात नेमणूक देण्यास स्वग्रामच्या अटींमुळे बंधने आली. शिवाय संलग्न अंमलदारांनाही प्रशासनाच्या आवश्यकतेनुसार नियुक्त्या देण्याचे आदेश आहेत. त्यानुसार स्वग्राम व संलग्न अशा एकूण अडीचशे अंमलदारांच्या समुपदेशनाची प्रक्रिया २० ऑगस्ट रोजी पार पडली. यावेळी कोविड नियमांचे पालन करून अधीक्षक आर. राजा, अपर अधीक्षक सुनील लांजेवार, गृह विभागाचे प्रभारी उपअधीक्षक उमेश कस्तुरे यांंनी अंमलदारांशी संवाद साधून त्यांच्या अडीअडचणी जाणून घेतल्या.
...
अंमलदारांना जागा रिक्त असलेल्या तीन ठिकाणचे पसंती क्रमांक नाेंदविण्याची संधी दिली गेली.
त्यांनी नाेंदविलेल्या पसंती क्रमांकासोबतच प्रशासकीय गरज लक्षात घेऊन नियुक्ती देण्याचा निर्णय झाला आहे. सर्व प्रक्रिया नियमानुसार पार पडणार आहे.
- आर. राजा, पोलीस अधीक्षक, बीड.