केज (जि. बीड): तालुक्यातील डिघोळअंबा शिवारातील सर्व्हे नं. २८३ मधील अवघ्या १ गुंठ्याच्या भूखंडासाठी दोन सख्ख्या भावांमध्ये रक्ताचा संघर्ष झाला आहे. जमिनीच्या वादातून दोन गट आमनेसामने आल्याने लोखंडी पाईप आणि लाकडी काठ्यांनी एकमेकांवर हल्ला चढवला. या तुंबळ हाणामारीत दोन्ही गटाचे ४ जण गंभीर जखमी झाले असून, युसूफ वडगाव पोलिसांनी परस्परविरोधी तक्रारीवरून दोन्ही कुटुंबातील ६ जणांवर गुन्हे दाखल केले आहेत.
दोन्ही गटाचे सदस्य जखमीसोमवारी (दि. १६) घुंडरे कुटुंबातील हा वाद विकोपाला गेला. यात एका गटाचे रोहिदास रामभाऊ घुंडरे आणि त्यांची पत्नी आशाबाई, तर दुसऱ्या गटाचे संभाजी रामभाऊ घुंडरे आणि त्यांचा मुलगा विजय हे चौघे जण जखमी झाले. जखमींवर अंबाजोगाई येथील 'स्वाराती' रुग्णालयात उपचार सुरू असल्यामुळे फिर्याद देण्यास उशीर झाला. मात्र, पोलिसांनी गुन्हा दाखल होताच वेगाने हालचाली केल्या.
अख्खं कुटुंब पोलीस कोठडीतसहाय्यक पोलीस निरीक्षक मच्छिंद्रनाथ शेंडगे यांच्या मार्गदर्शनाखाली पोलिसांनी सहाही आरोपींना अटक करून मंगळवारी केज न्यायालयासमोर हजर केले. न्यायालयाने या सहाही जणांना तीन दिवसांची पोलीस कोठडी सुनावली आहे. अवघ्या १ गुंठ्याच्या तुकड्यासाठी आता दोन्ही भावांची कुटुंबे पोलीस कोठडीची हवा खात असून, गावात या घटनेची मोठी चर्चा सुरू आहे.
Web Summary : A land dispute over one guntha (small land parcel) in Beed district turned brothers into foes. A violent clash injured four, leading to six arrests. The families are now in police custody.
Web Summary : बीड जिले में एक गुंठा जमीन के विवाद में भाई दुश्मन बन गए। हिंसक झड़प में चार घायल, छह गिरफ्तार। परिवार अब पुलिस हिरासत में हैं।