उडणाऱ्या कारचा जगातील पहिलाच अपघात; दोन फ्लाइंग कार एकमेकांवर आदळल्या, एक बनली आगीचा गोळा...

Flying Car Accident: चीनमध्ये एका हवाई प्रदर्शनाच्या तयारीदरम्यान घडली. रिहर्सल सुरू असताना दोन फ्लाइंग कार एकमेकांच्या खूप जवळ आल्या आणि त्यांची धडक झाली.

बीजिंग: भविष्यातील वाहतूक म्हणून पाहिल्या जाणाऱ्या उडणाऱ्या कार (फ्लाइंग कार) च्या सुरक्षिततेवर प्रश्नचिन्ह निर्माण झाले आहे. चीनमध्ये एका सार्वजनिक उड्डाण चाचणीच्या रिहर्सलदरम्यान दोन 'XPeng AeroHT' कंपनीच्या eVTOL फ्लाइंग कार एकमेकांवर आदळल्या. या भीषण अपघातात एक कार खाली कोसळून तिला आग लागली तर दुसरी सुखरूप खाली उतरली.

मीडिया रिपोर्ट्सनुसार, ही घटना चीनमध्ये एका हवाई प्रदर्शनाच्या तयारीदरम्यान घडली. रिहर्सल सुरू असताना दोन फ्लाइंग कार एकमेकांच्या खूप जवळ आल्या आणि त्यांची धडक झाली. धडकेनंतर सुमारे अडीच कोटी रुपये किंमत असलेली एक कार जमिनीवर कोसळली आणि तिच्यातून धूर निघू लागला. सुदैवाने, दुसऱ्या कारच्या वैमानिकाने त्याची कार सुरक्षितपणे खाली उतरवली.

长春航展两架飞行汽车在空中相撞坠落起火！9月16日，长春航展预演结束后，广东汇天通航参与双机编队演练期间。两架eVTOL（电动垂直起降飞行器）在空中相撞后坠机，在地面燃起大火... pic.twitter.com/pYWqziAHUD

— 希望之聲 - 中國時局 (@SoundOfHope_SOH) September 17, 2025

या अपघातामुळे फ्लाइंग कारच्या सुरक्षिततेवर गंभीर प्रश्नचिन्ह निर्माण झाले आहे. या घटनेनंतर कंपनीने अद्याप हे स्पष्ट केलेले नाही की अपघात झाला त्यावेळी गाड्या मॅन्युअल मोडमध्ये होत्या की ऑटोमॅटिक मोडमध्ये. उडणाऱ्या कारच्या इतिहासातील हा पहिला मोठा अपघात मानला जात आहे, ज्यामुळे या तंत्रज्ञानाच्या तांत्रिक सुरक्षिततेबद्दल आणि विश्वासार्हतेबद्दल गंभीर शंका निर्माण झाल्या आहेत.