1 लिटरमध्ये 27.97km चे मायलेज; 'या' SUV वर मिळतोय ₹1 लाखांचा डिस्काउंट

Toyota Cars Discount: ग्राहकांना 5 वर्षांची रोडसाइड असिस्टन्स सेवादेखील मिळत आहे.

Toyota Cars Discount: नवीन SUV खरेदी करण्याचा विचार करत असाल, तर मार्च महिन्यात चांगली संधी आहे. टोयोटाची लोकप्रिय SUV Toyota Urban Cruiser Hyryder या मॉडेलवर सध्या ₹1 लाखांपर्यंत सूट दिली जात आहे. यासोबतच ग्राहकांना 5 वर्षांची रोडसाइड असिस्टन्स सेवा देखील मिळत आहे.

मायलेज आणि परफॉर्मन्स

कंपनीच्या माहितीनुसार Toyota Urban Cruiser Hyryder ही SUV उत्कृष्ट मायलेज देते. ही कार 1 लिटर पेट्रोलमध्ये 27.97 किलोमीटरपर्यंत मायलेज देऊ शकते. हायब्रिड तंत्रज्ञानामुळे ही गाडी इंधन बचतीसाठीही ओळखली जाते.

इंजिन आणि हायब्रिड टेक्नॉलॉजी

या SUV मध्ये सेल्फ-चार्जिंग स्ट्रॉंग हायब्रिड इलेक्ट्रिक सिस्टम देण्यात आली आहे. यात तुम्हाला 1.5 लिटर पेट्रोल इंजिन, टोयोटा हायब्रिड सिस्टम (THS) आणि इलेक्ट्रिक मोटर मिळते. याशिवाय, गाडीमध्ये 5-स्पीड मॅन्युअल आणि 6-स्पीड ऑटोमॅटिक ट्रान्समिशन असे दोन्ही पर्याय उपलब्ध आहेत.

किंमत किती?

भारतामध्ये Toyota Urban Cruiser Hyryder ची एक्स-शोरूम किंमत ₹10.99 लाखांपासून सुरू होते (बेस व्हेरिएंट), तर टॉप व्हेरिएंटची किंमत ₹20.19 लाखांपर्यंत जाते.

प्रमुख फीचर्स

या SUV मध्ये 55 कनेक्टेड कार फीचर्स, Apple CarPlay आणि Android Auto, 6 एअरबॅग्स, 360 डिग्री कॅमेरा, व्हेइकल स्टॅबिलिटी कंट्रोल, हिल होल्ड असिस्ट यांसारखे फीचर्स मिळतात.

कोणत्या गाड्यांशी स्पर्धा?

भारतीय बाजारात या SUV ची थेट स्पर्धा Maruti Suzuki Grand Vitara, Kia Seltos, Hyundai Creta, Skoda Kushaq आणि Volkswagen Taigun शी आहे.