फक्त ₹1 लाखाच्या डाउन पेमेंटवर Tata Sierra घेता येईल? EMI किती लागेल? जाणून घ्या...

Tata Sierra खरेदी करायची आहे? 1 लाख रुपये डाउन पेमेंटवर किती EMI बसेल?

Tata Sierra Finance Plan: गेल्या वर्षाच्या अखेरीस लॉन्च झालेल्या Tata Sierra ला भारतीय बाजारात चांगला प्रतिसाद मिळतोय. जर तुम्ही ही SUV फायनान्सवर खरेदी करण्याचा विचार करत असाल, तर डाउन पेमेंट, कर्जाची रक्कम आणि मासिक हप्त्यांचा अंदाज आधीच घेणे आवश्यक आहे.

Tata Sierra ची ऑन-रोड किंमत किती?

• एक्स-शोरूम किंमत: ₹11.49 लाखांपासून सुरू
• टॉप मॉडेल किंमत: ₹18.49 लाखांपर्यंत
• दिल्लीतील Smart Plus 1.5 पेट्रोल (बेस व्हेरिएंट) ऑन-रोड किंमत: सुमारे ₹13.44 लाख

या ऑन-रोड किमतीत RTO शुल्क, इन्शुरन्स आणि इतर चार्जेस समाविष्ट आहेत. शहरानुसार ही किंमत थोडीफार बदलू शकते.

1 लाख डाउन पेमेंटवर EMI किती येईल?

जर तुम्ही Tata Sierra चा बेस मॉडेल EMI वर खरेदी करत असाल, तर—

• डाउन पेमेंट: ₹1 लाख
• कर्जाची रक्कम : सुमारे ₹12.44 लाख
• व्याजदर: 9.8% (अंदाजे)
• कर्ज कालावधी: 5 वर्षे (60 महिने)
• या गणितानुसार, दरमहा EMI: सुमारे ₹25,997

(टीप: बँक/फायनान्स कंपनीनुसार व्याजदर आणि EMI मध्ये बदल होऊ शकतो.)

Tata Sierra कोणत्या गाड्यांना देते टक्कर?

Tata Sierra बाजारात मध्यम आकाराच्या SUV सेगमेंटमध्ये स्पर्धा करते. तिच्या प्रमुख प्रतिस्पर्ध्यांमध्ये Hyundai Creta, Kia Seltos, Renault Duster या लोकप्रिय SUV गाड्यांचा समावेश आहे.

इंजिन आणि परफॉर्मन्स

Tata Sierra 2025 मध्ये 1.5-लीटर पेट्रोल इंजिन मिळते, जे 105 bhp पॉवर आणि 145 Nm टॉर्क निर्माण करण्यास सक्षम आहे. यामध्ये तुम्हाला 6-स्पीड मॅन्युअल गिअरबॉक्स मिळतो. हे इंजिन शहरात स्मूथ ड्रायव्हिंगचा अनुभव देते, तसेच हायवेवरही आरामदायक राइड मिळते.