₹६.२५ लाखांच्या कारचा धुमाकूळ...! ५-स्टार सेफ्टी अन् ३३ किमी मायलेज, विक्रीत ठरली नंबर-१

गेल्या महिन्यात २१,२२४ ग्राहकांनी या कारला पसंती दिली असून, हिच्या वार्षिक विक्रीत तब्बल ३७.२८ टक्क्यांची मोठी वाढही नोंदवण्यात आली आहे.

भारतीय बाजारात एसयूव्हींची मागणी वाढत असतानाही, मारुती सुझुकीच्या 'डिझायर' (Maruti Suzuki Dzire) ची लोकप्रिय काय असल्यचे दिसते. आता ही कार पुन्हा एकदा नंबर वन ठरली आहे. मार्च २०२६ मधील विक्री बघता, डिझायर ही केवळ देशातील बेस्ट सेलिंग सेडानच नव्हे, तर सर्वाधिक विकली जाणारी कारही ठरली आहे. गेल्या महिन्यात २१,२२४ ग्राहकांनी या कारला पसंती दिली असून, हिच्या वार्षिक विक्रीत तब्बल ३७.२८ टक्क्यांची मोठी वाढही नोंदवण्यात आली आहे.

नवी डिझायर अधिक प्रीमियम अन् स्पोर्टी लुक -
नवी डिझायर आता अधिक प्रीमियम आणि स्पोर्टी लुकमध्ये सादर करण्यात आली आहे. यात १.२ लीटरचे नवीन झेड-सीरीज ३-सिलेंडर पेट्रोल इंजिन मिळते, जे ८० बीएचपी पॉवर जनरेट करते. मायलेजच्या बाबतीत बोलायचे जाल्यास, ही कार मॅन्युअलमध्ये २४.७९ किमी, ऑटोमॅटिकमध्ये २५.७१ किमी, तर सीएनजी (CNG) मॉडेलमध्ये तब्बल ३३.७३ किमी प्रति किलो एवढे इतके शानदार मायलेज मिळते.

लक्झरी फीचर्स आणि ५-स्टार सेफ्टी -
या कारच्या केबिनमध्ये पहिल्यांदाच इलेक्ट्रिक सनरूफ, ९-इंचांचा टचस्क्रीन, वायरलेस चार्जिंग आणि ३६०-डिग्री कॅमेरा यांसारखे हायटेक फीचर्स देण्यात आले आहेत. सर्वात महत्त्वाची गोष्ट म्हणजे, ग्लोबल NCAP क्रैश टेस्टमध्ये या कारला ५-स्टार सेफ्टी रेटिंगही मिळाले आहे. 

६-एअरबॅग्स आणि एबीएस यांसारखी वैशिष्टे -
महत्वाचे म्हणजे, सुरक्षिततेच्या दृष्टीने महत्वाच्या असलेल्या, ६-एअरबॅग्स आणि एबीएस (ABS)सह EBD, यांसारख्या सुरक्षा वैशिष्ट्यांसह ही कार ६.२५ लाख ते ९.३१ लाख रुपयांच्या (एक्स-शोरूम) किंमतीत उपलब्ध आहे. बाजारात हिची थेट स्पर्धा होंडा अमेझ, ह्युंदाई ऑरा आणि टाटा टिगोर यांसारख्या कारशी आहे.