Royal Enfield ने जारी केली यादी; Hunter, Classic, Meteor..; पाहा सर्व गाड्यांची नवी किंमत

GST 2.0 मुळे रॉयल एनफील्डच्या 350cc बाईकच्या किमतींमध्ये मोठी कपात झाली आहे.

Royal Enfield Bike: भारतात क्रूझर बाईक्सची एक वेगळीच क्रेझ आहे. जावा, येझदी आणि रॉयल एनफील्ड सारख्या कंपन्यांचे या सेगमेंटमध्ये वर्चस्व आहे. रॉयल एनफील्ड विक्रीच्या बाबतीत आघाडीवर आहेत. रॉयल इनफील्डच्या गाड्या महाग नक्कीच आहेत, पण आता GST 2.0 लागू झाल्यामुळे किमती कमी झाल्या आहेत. अशातच, कंपनीने आपल्या बाईक्सच्या नवीन किमती जाहीर केल्या आहेत. 

रॉयल एनफील्डने गेल्या आठवड्यात घोषणा केली होती की, भारत सरकारने जीएसटी दर कमी केल्यानंतर त्यांच्या सर्व 350 सीसी बाईक्सच्या किमती ₹22,000 पर्यंत कमी केल्या जातील. त्यानुसार, कंपनीने आता त्यांच्या सर्व बाईक्सच्या नवीन किमतींची जारी केली आहे. 350 सीसी श्रेणीतील हंटर 350 च्या बेस रेट्रो व्हेरिएंटची किमत 1.38 लाख रुपयांपासून सुरू होते. तर, या श्रेणीतील सर्वात महाग मॉडेल टॉप-स्पेक गोवा क्लासिकची किंमत ₹2.20 लाखापर्यंत जाते. 

पूर्वी सर्व 2-व्हीलर वाहनांवर (मोटरसायकल आणि स्कूटर) 31% कर (28% GST + 3% सेस) लागायचा. मात्र, नवीन सुधारणा नुसार, 350cc पेक्षा कमी इंजिन क्षमतेच्या सर्व 2-व्हीलर वाहनांना 18% GST स्लॅबमध्ये आणले आहे. 

पाहा रॉयल एनफील्डची नवीन प्राइस लिस्ट

मॉडेल	कपात(रुपयांत)
Hunter 350	12,000 – 15,000
Bullet 350	15,000 – 18,000
Classic 350	16,000 – 19,000
Meteor 350	17,000 – 19,000

या बाईकच्या किंमती वाढल्या

350cc रेंज स्वस्त झाली, पण मोठ्या इंजिन क्षमतेच्या बाइक्सच्या किमती वाढल्या आहेत. या बाईक्सवर पूर्वी 31% (28% GST + 3% सेस) होता, पण आता 40% GST लागेल. त्यानुसार, रॉयल एनफील्ड Scram 440, Himalayan 450, Guerrilla 450, Interceptor 650, Continental GT 650, Shotgun 650, Bear 650, Super Meteor 650 यांचा समावेश आहे. 

मॉडेल	वाढ (रुपयांत)
Scram 440	15,131 – 15,641
Guerrilla 450	17,387 – 18,479
Himalayan 450	20,733 – 21,682
Interceptor 650	22,52 – 24,604
Continental GT 650	23,712 – 25,645
Classic 650	24,633 – 25,607
Shotgun 650	26,874 – 27,889
Bear 650	25,545 – 26,841
Super Meteor 650	27,208 – 29,486