३००० गाड्या वाहून नेणाऱ्या जहाजाला भीषण आग! ७५० इलेक्ट्रिक कार धोक्यात; आगीचं नेमकं कारण काय?

अलास्का जवळ एका जहाजाला भीषण आग लागली आहे. या जहाजामध्ये ७५० इलेक्ट्रिक कार होत्या.

अलास्का समुद्र किनाऱ्यावर एका मोठ्या जहाजाला भीषण आग लागल्याची घटना समोर आली. या जहाजामध्ये इलेक्ट्रिक गाड्या असल्याची माहिती समोर आली. मोठी दुर्घटना होता होता थोडक्यात वाचली आहे. पण, धोका अजूनही टळलेला नाही. या जहाजचे नाव मॉर्निंग मिडास असं असून ही ब्रिटीश कंपनी आहे.  यामध्ये ३,००० हून अधिक वाहने होती. त्यापैकी ७५० इलेक्ट्रिक कार होत्या. 

अलास्का कोस्टगार्डच्या माहितीनुसार, रविवारी एक आपत्कालीन कॉल आला, यामध्ये मॉर्निंग मिडास नावाच्या जहाजाला आग लागल्याची माहिती देण्यात आली. या जहाजावर २२ क्रू मेंबर्स होते. त्यांना नंतर एका खासगी जहाजाच्या मदतीने सुरक्षितपणे बाहेर काढण्यात आले.

ना युक्रेन, ना ब्रिटन, 'हा' देश रशियाचा शत्रू नंबर वन; हिटलरशी आहे थेट कनेक्शन, कारण...

हे जहाज सध्या अलास्काच्या अडाक प्रदेशापासून सुमारे ५४७ किलोमीटर नैऋत्येस आहे. या जहाजामध्ये अजूनही आग सुरूच आहे. हे जहाज अजून बुडलेले नाही.

जहाजामध्ये इलेक्ट्रिक गाड्या

या जहाजमध्ये ७५० इलेक्ट्रिक गाड्या आहेत. यामधील अधिक गाड्यांमध्ये लिथियम-आयन बॅटरी असतात. या बॅटरी सुरक्षित मानल्या जातात, पण जर त्यांना धक्का बसला तर त्या जास्त गरम होऊ शकतात आणि आग लागू शकते.

या आगीचे कारण अजूनही पुढे आलेले नाही. पण आगीचे कारण इलेक्ट्रिक वाहनांच्या बॅटरी असल्याचा संशय व्यक्त केला जात आहे. यापूर्वी अशा अनेक घटना घडल्या आहेत. ईव्ही वाहने  वाहून नेणाऱ्या जहाजांना अचानक आग लागली. या आगींचे कारण इलेक्ट्रिक वाहनांच्या बॅटऱ्या आहेत.

अजूनही धुराचे लोट दिसत आहेत

रविवारपर्यंत आग आटोक्यात मदत करणारे अग्निशमन दल जवळपास नव्हते. बचाव पथक सोमवारी येण्याची अपेक्षा आहे. तटरक्षक दलाने प्रसिद्ध केलेल्या व्हिडीओ फुटेजमध्ये, हे ६०० फूट लांबीचे जहाजातून आग येत असल्याचे दिसत आहे.

ईव्ही बॅटऱ्यांबाबत मोठा इशारा 

ही दुर्घटना आपल्याला ईव्ही तंत्रज्ञान किती सुरक्षित आहे? याबाबत विचार करण्यास भाग पाडते. यापूर्वी लिथियम-आयन बॅटरींना आग लागल्याच्या घटना घडल्या आहेत, मग ते इलेक्ट्रिक स्कूटर असोत, कार असोत किंवा एअरलाइन्समध्ये वाहून नेली जाणारी उपकरणे असोत.