Car: फक्त ५ हजारांच्या ईएमआयवर खरेदी करा 'या' पॉपुलर कार, डाऊन पेमेंटही कमी!

Car Loan Guide: बऱ्याच दिवसांपासून स्वतःची कार घेण्याचा विचार करत आहात? पण बजेटचे गणित जुळत नाहीये? काळजी करू नका! आता संपूर्ण पैसे एकाच वेळी भरण्याची गरज नाही. भारतीय बाजारपेठेतील लोकप्रिय 'एन्ट्री-लेव्हल' कार्स तुम्ही सोप्या मासिक हप्त्यावर घरी आणू शकता.

स्वतःची कार असावी असं स्वप्न प्रत्येक मध्यमवर्गीय व्यक्तीचे असते. कुणी रोख रक्कम भरून कार खरेदी करते, तर कुणी गृहकर्जाप्रमाणेच वाहन कर्जाचा पर्याय निवडते. जर तुमच्याकडे कारची संपूर्ण किंमत एकाच वेळी भरण्यासाठी पुरेसा निधी नसेल, तर काळजी करण्याची गरज नाही. सध्या भारतीय बाजारपेठेत अशा काही लोकप्रिय कार उपलब्ध आहेत, ज्या तुम्ही अगदी ५,००० ते ८,००० रुपयांच्या मासिक ईएमआयवर खरेदी करू शकता.

मारुती एस-प्रेसो

आमच्या यादीतील पहिली कार म्हणजे मारुती एस-प्रेसो, जिची नोएडा शहरामध्ये 'ऑन-रोड' किंमत अंदाजे ₹३.९४ लाख इतकी आहे. जर तुम्ही ही कार खरेदी करताना ₹५०,००० इतके डाऊन पेमेंट भरले, तर तुम्हाला ९.८ टक्के व्याजदराने ४ वर्षांच्या कालावधीसाठी ₹८,६९७ इतका मासिक हप्ता भरावा लागेल. जर तुम्ही कर्जाचा कालावधी ७ वर्षांचा निवडला, तर तुम्हाला भरावा लागणारा मासिक हप्ता ₹५ हजार ६७९ रुपये इतका असेल.

रेनॉल्ट क्वीड

रेनॉल्ट क्वीडच्या 'ऑटोमॅटिक पेट्रोल व्हेरियंट'ची 'ऑन-रोड' किंमत ₹४.८२ लाख इतकी आहे. ₹१ लाख इतके डाऊन पेमेंट केल्यानंतर, जर तुम्ही ९.८ टक्के व्याजदराने हे वाहन खरेदी केले, तर तुम्हाला ४ वर्षांच्या कालावधीसाठी ९ हजार ५५६ इतका मासिक हप्ता भरावा लागेल. याउलट, जर कर्जाचा कालावधी ७ वर्षांचा निवडला, तर या कर्जाचा मासिक हप्ता ६ हजार १९४ इतका असेल.

टाटा टियागो

आमच्या यादीतील तिसरी कार म्हणजे टाटा टियागो तिची 'ऑन-रोड' किंमत ₹५.३५ लाख इतकी आहे. जर तुम्ही ९.८ टक्के व्याजदराने ४ वर्षांच्या कालावधीसाठी कर्ज घेतले, तर तुमचा मासिक हप्ता ₹१२ हजार २७० इतका असेल; तर, ७ वर्षांच्या कर्जाच्या कालावधीसाठी मासिक ईएमआय अंदाजे ₹८,००० असेल.