काेरोनाचा फटका : निवड झालेल्या १८३ चालक-वाहकांचे प्रशिक्षण अपूर्ण
अमरावती: महाराष्ट्र राज्य मार्ग परिवहन महामंडळाच्या अमरावती विभागातील चालक तथा वाहकांच्या २३० रिक्त पदांसाठी फेब्रुवारी २०२० मध्ये २ हजार २८८ उमेदवारांनी अर्ज दाखल केले होते. त्यापैकी १८३ उमेदवार पात्र ठरले आहेत. मात्र, काेरोनाच्या प्रार्श्वभूमीवर एसटी महामंडळाने पात्र उमेदवारांना नियुक्तीच दिली नाही तसेच त्यांचे प्रशिक्षण अर्धवट झाले आहे. त्यामुळे उमेदवारांपुढे रोजीरोटीचा गंभीर प्रश्न निर्माण झाला आहे.
महामंडळाच्या अमरावती विभाग येथे कोरोनाकाळात खबरदारीचा उपाय म्हणून चालक-वाहक( ड्रायव्हर कम कंडक्टर) पदाच्या भरतीसाठी प्रक्रिया सुरू केलेली होती. फेब्रुवारी २०२० मध्ये पात्र झालेले हे उमेदवार अद्याप नोकरीच्या प्रतीक्षेत असून, याबाबत अद्यापही महामंडळाने ठोस निर्णय घेतलेला नाही. पात्र १८३ उमेदवारांपैकी ४८ दिवसांचे ६६ जणांचे प्रशिक्षण झाले, तर ७२ जणांचे प्रशिक्षण सुरू आहे आणि ८० दिवसांचे प्रशिक्षण २९ दिवसांचे सुरू होते. मात्र, कोरोनामुळे सध्या स्थगित केले आहे.
बॉक्स
२२८८ जणांनी जिल्ह्यातून केले होते अर्ज
१८३ जणांची झाली निवड
१०१ जणांचे प्रशिक्षण अर्धवट आहे.
बाॅक्स
कोरोनामुळे लटकले
१०१ तरुणांची निवड होऊनही त्यांना अद्याप परिवहन विभागाकडून प्रशिक्षण पूर्ण दिलेले नाही. ते शासनाच्या आदेशाची वाट पाहत आहेत.
कोट
एसटी महामंडळाने आम्हाला निवडीचे पत्रे दिले. परंतु, वर्षभरापासून प्रशिक्षण थांबले आहे. सध्या कोरोनाचे संकट कमी झाल्यामुळे महामंडळ प्रशिक्षण घेईल, अशी अपेक्षा आहे.
- श्याम ठाकरे, चालक-वाहक
कोट
कोरोनाचे संकट कमी झाल्यामुळे एसटी महामंडळाने आमचे प्रशिक्षण घ्यावे, अशी मागणी आहे. काही चालक- वाहकांचे प्रशिक्षण सुरू झाले आहे. आमचा नंबर कधी येणार, याची प्रतीक्षा आहे.
- अनिरुद्ध ढवळे, चालक-वाहक
कोट
कोरोनामुळे प्रशिक्षण थांबविण्यात आले होते. बसवाहतूक बंद असल्यामुळे प्रशिक्षण पूर्ण झालेल्या चालक - वाहकांना नियुक्ती देण्यात आली नव्हती. कोरोनामुळे स्थगित करण्यात आलेले प्रशिक्षण देण्याबाबत वरिष्ठांच्या सूचनेप्रमाणे प्रशिक्षणाची कार्यवाही लवकच पूर्ण केली जाईल.
- श्रीकांत गभणे, विभाग नियंत्रक, अमरावती