अमरावती : स्थानिक कॅम्प रोड स्थित आयएमए हॉल येथे आयोजित ‘कश्मीर उत्सव’ला नगरवासीयांचा उत्स्फूर्त प्रतिसाद लाभत आहे. कश्मीरी वस्त्रांच्या खरेदीकरुता नागरिकांनी सदर प्रदर्शनाला प्रचंड गर्दी केली आहे. प्रदर्शनाचे शनिवार, ९ जानेवारी रोजी थाटात उद्घाटन झाले. या प्रदर्शनात विविध आकर्षक वस्तू विक्रीस उपलब्ध असून, हे प्रदर्शन सकाळी १०.३० ते रात्री ८.३० वाजेपर्यंत खुले राहील. सदर प्रदर्शनात पशमीना शॉल, स्ट्रोल्स, कानी जमावर शॉल्स, एम्ब्रायडरी साड्या, सिल्क व कॉटनच्या साड्या, लेडिज एम्ब्रायडरी कुर्ती, पाने शोज, कफतान, ड्रेस मटेरियल, किट, सिल्क पॅन्ट, कॉटन कुर्तीज, स्टोन अँड सिल्व्हर ज्वेलरी, एम्ब्रायडरी बॅग्स, रेडीमेड ड्रेसेस व गिफ्ट आयटम्स विक्रीस उपलब्ध आहेत. कश्मीरच्या विभिन्न क्षेत्रातील सरकारद्वारे पुरस्कृत विणकर परिवाराच्यावतीने निर्मित वस्तू सदर प्रदर्शनात उपलब्ध असून स्वेटर व शाॅलवर विशेष सूट आहे. या प्रदर्शनाचे विशेष आकर्षण म्हणजे, ड्राय फ्रूट्स काऊंटर आहे.
कश्मीरच्या विणकरांना मंच उपलब्ध करून देणे हा या प्रदर्शनाचा उद्देश आहे, असे प्रतिपादन सदर प्रदर्शनाचे संचालक शौकत झरगर यांनी केले. जगप्रसिद्ध पश्मीना शॉल तयार करण्यासाठी एक वर्षाचा कालावधी लागतो. या शॉलचे वजन खूप कमी असून, ही अधिक उबदार असते. कानी शॉल व स्ट्रोल्स वूडन स्टिकपासून तयार करतात, त्याचप्रमाणे पेपर मॅशो, बॉक्सेस, ज्वेलरी पेन्सिल बॉक्सेस, कार हँगिंग, वॉल हँगिंग, साड्यांमध्ये पश्मीना प्रिंटेड साडी, ज्यूट साडी, कप्तान साडी व इतर अनेक प्रकारच्या साडीज उपलब्ध आहेत, ज्या अतिशय सॉफ्ट व आरामदायी आहेत. या प्रदर्शनाचा लाभ नागरिकांनी अवश्य घ्यावा, असे आवाहन संचालक शौकत झरगर यांनी केले.