फोटो पी ०८ तायवाडे
चांदूर रेल्वे : चांदूर रेल्वे- अमरावती मार्गावरील बासलापूर मत्स्यबीज केंद्राजवळ गुरुवारी रात्रीच्या सुमारास कार उलटून एकाचा जागीच मृत्यू झाला. या अपघातात कार रस्त्यावरून १०० फूट खोल घसरत गेली. शशांक ऊर्फ बंटी बाबासाहेब तायवाडे (३९, रा. न्यू राठीनगर, धामणगाव रेल्वे) असे मृताचे नाव आहे.
शशांक तायवाडे हे गुरुवारी रात्री एमएच ३४ एए २११२ क्रमांकाच्या कारने अमरावतीहून परत येत असताना हा अपघात घडला. यात ते जागीच ठार झाले. मृतदेहसुद्धा झाडाझुडपात अडकला. गाडी रस्त्याच्या खोलगट भागात कलंडल्याने ती सुरुवातीला निदर्शनात आली नाही. परंतु, शुक्रवारी दुपारी सदर घटना उघडकीस आली. घटनेची माहिती मिळताच ठाणेदार मगन मेहते हे घटनास्थळी पोहोचले होते. लांडगे यांनी घटनेचा पंचनामा केला. मृतदेह उत्तरीय तपासणीकरिता चांदूर रेल्वेच्या ग्रामीण रुग्णालयात आणण्यात आला. घटनेची माहिती मिळताच आमदार प्रताप अडसड चांदूर रेल्वे येथील ग्रामीण रुग्णालयात पोहोचले होते.
----------