अमरावती: पोलीस आयुक्त कार्यालयासमाेरील कर्मचारी वसाहतीसमोरून जाणारा डांबरी रस्ता ठिकठिकाणी उखडला आहे. त्यामुळे वाहनधारकांना मनस्ताप सहन करावा लागत आहे.
.......................
पंचायत समितीमधील उद्यान भकास
अमरावती : भातकुली पंचायत समिती कार्यालय परिसरात असलेले उद्यान भकास अवस्थेत आहे. त्यामुळे या उद्यानाचा कायापालट केव्हा होणार, असा प्रश्न उपस्थित होत आहे.
...............................................
लसीकरण केंद्रांवर गर्दी
अमरावती : कोरोना प्रतिबंधात्मक लसीकरणासाठी शहरातील विविध लसीकरण केंद्रांवर नागरिकांची गर्दी वाढत आहे. मात्र, लसीचा साठा कमी असल्याने अनेकांना लसीविनाच परत जावे लागत आहे.
..................................................
शहरात खरबुजाची आवक
अमरावती : शहरातील विविध मार्गांवर खरबूज मोठया प्रमाणात विक्रीस आले आहेत. त्यामुळे ग्राहकही मोठ्या आवडीने खरबूज खरेदी करताना दिसून येत आहे.
.........................
बसस्थानकांवर शुकशुकाट
अमरावती : कोरोनाचा वाढता संसर्ग लक्षात घेता सध्या लाॅकडाऊन व संचारबंदी लागू करण्यात आली आहे. परिणामी एस. टी. बसेस बंद असल्याने बसस्थानकांवरही शुकशुकाट असल्याचे चित्र दिसून आले.