Akola News | Latest Akola News in Marathi | Akola Local News Updates | ताज्यबातम्या अकोला | अकोला समाचार | Akola Newspaper

मूर्तिजापूर/जामठी बु. (जि. अकोला): अकोल्याकडून अमरावतीकडे भरधाव जाणारी हय़ुंडाई आयटेन कार २९ जुलैच्या रात्री १२.३0 ते १ वाजताच्या सुमारास माना गावापासून अर्धा कि.मी. अंतरावर उभ्या असलेल्या एका ट्रकवर आदळून झालेल्या अपघातात कारमधील दोघे जागीच ठार झाले, तर एकजण गंभीर जखमी झाला. या अपघातातील जखमीला अकोल्यास हलविण्यात आले आहे.राष्ट्रीय महामार्ग क्रमांक ६ वर माना गावापासून अर्धा कि.मी.अंतरावर २९ जुलै रोजी दोन ट्रकचा अपघात झाला होता. तेथे उभ्या असलेल्या एम.एच.४0-५९९३ क्रमांकाच्या ट्रकवर अकोल्याकडून अमरावतीकडे भरधाव जाणारी एम.एच.३0 पी.३२३0 क्रमांकाची हय़ुंडाई आयटेन कार २९ जुलैच्या मध्यरात्रीनंतर जाऊन आदळली. या अपघातात कारमधून प्रवास करणारे अकोल्यातील आकोट फैलमधील रहिवासी व अकोला तालुक्यातील शिलोडाचे उपसरपंच नासीरखाँ जोरावरखाँ (३0), अकोल्यातील रामदासपेठ भागातील रहिवासी शशांक विनायक कांगटे (२५) हे दोघे जागीच ठार झाले. त्यांच्यासोबत कारमधून प्रवास करणारे शिलोडाचे सरपंच व शासकीय कंत्राटदार दिलीप पाटील सरोदे (३0) हे गंभीर जखमी झाले. हा अपघात एवढा भीषण होता की, त्यात अपघातग्रस्त हुय़ंडाई आयटेन कारच्या दर्शनी भागाचा पार चेंदामेंदा झाला. अपघातातील जखमीला तातडीने अकोल्यास हलविण्यात आले. या अपघातातील दोन्ही मृतदेहांचे शवविच्छेदन मूर्तिजापूर येथील लक्ष्मीबाई देशमुख उपजिल्हा रुग्णालयात ३0 जुलै रोजी दुपारी करण्यात आले. त्यानंतर मृतदेह त्यांच्या नातेवाईकांच्या स्वाधीन करण्यात आले. अपघातस्थळाचा पंचनामा पोलिसांनी केला.

Akola (Marathi News)

राष्ट्रीय लंगडी स्पर्धेत रजत पदक पटकवून त्यांची आंतरराष्ट्रीय स्पर्धेत लागली होती वर्णी. ...

नद्यांमध्ये होत असलेल्या विघातक बदलांचा मत्स्य व्यवसायावर परिनाम. ...

तंत्रज्ञानाची जोड दिल्यास योजनेचा शेतक-यांना फायदा. ...

दीड महिन्यात साखरेचे भाव प्रतिक्विंटल तब्बल सहाशे रुपयांपर्यंत घसरले. ...

पहिल्या वर्षाचे व्याज माफ, नवीन कर्जावर द्यावे लागणार होते १२ टक्के व्याज. ...

शैक्षणिक सत्र २0१५-१६ पासून शालेय शिक्षण व क्रीडा विभागांतर्गत सर्व योजनांचा आढावा घेवून होणार मुल्यमापन. ...

रेल्वे पोलीस व नागरीकांची सतर्कतेमुळे अमरावतीच्या मुली मलकापूरात सापडल्या. ...

रस्त्याच्या कडेला घाण व कच-याचे ढीग: दुर्गंधीने नागरिक बेजार. ...

युवकाच्या लैंगिक शोषणप्रकरणातील आरोपींस अंतरिम जामिन. ...

माना शिवारातील घटना: एक गंभीर ...