वैद्यकीय सीईटी परीक्षा उद्या शहरातील १२ केंद्रांवर होणार परीक्षा

अकोला : राज्य शासनाच्या वतीने वैद्यकीय शिक्षण व संशोधन संचालनालयामार्फत आरोग्य विज्ञान अभ्यासक्रमासाठी एमएच-सीईटी ही सामाईक परीक्षा घेण्यात येते. यंदा ही परीक्षा ८ मे रोजी सकाळी १० ते दुपारी १ या वेळेत घेण्यात येत आहे. अकोल्यातील १२ केंद्रांवर ही परीक्षा घेण्यात येणार आहे.
वैद्यकीय सीईटी परीक्षेसाठी अकोला जिल्‘ातून ३ हजार २०७ विद्यार्थी बसणार आहेत. सर्व उमेदवारांना सकाळी ९.१५ वाजता दिलेल्या केंद्रावर हजर राहणे बंधनकारक आहे. सकाळी १० नंतर कोणत्याही विद्यार्थ्यास परीक्षा केंद्रावर प्रवेश दिला जाणार नाही. या परीक्षेसाठी अकोला जिल्‘ासाठी डॉ. नितीन अंभोरे यांची जिल्हा संपर्क अधिकारी म्हणून नियुक्ती करण्यात आली आहे. केंद्रप्रमुख म्हणून निवासी उपजिल्हाधिकारी अनिल खंडागळे काम पाहणार आहेत. विद्यार्थ्यांना प्रवेशपत्र ऑनलाईन पद्धतीने संकेतस्थळावर उपलब्ध करून देण्यात आले आहेत.
अकोला जिल्‘ात जी.एस. कॉन्व्हेंट, माऊंट कारमेल, जागृती विद्यालय, भारत विद्यालय, न्यू इंग्लिश हायस्कूल, होलीक्रॉस कॉन्व्हेंट, गुरुनानक विद्यालय, सावित्रीबाई फुले जि.प. कन्या शाळा, शिवाजी हायस्कूल मुख्य शाखा, भिकमचंद खंडेलवाल हायस्कूल हे परीक्षा केंद्र आहेत. परीक्षा केंद्रावर ८ मे रोजी सकाळी ६ ते सायंकाळी ५ वाजेपर्यंत कलम १४४ लागू राहणार आहे. नियुक्त केलेले अधिकारी व कर्मचारी तसेच परीक्षार्थी सोडून इतर कोणत्याही व्यक्तीला परीक्षा केंद्रात प्रवेश राहणार नाही. परीक्षा केंद्रालगत मिरवणूक काढणे मनाई आहे. झेरॉक्स, फॅक्स, मोबाईल फोन, इंटरनेट, सायबर कॅफे, पूल गेम, पेजर, टेलिफोन बुथ, ई-मेल यांचा वापर परीक्षा केंद्राच्या १०० मीटर आत करण्यास मनाई करण्यात आली आहे. परिसरात ध्वनिक्षेपण करण्यासदेखील मनाई आहे. नियमाचा भंग करण्यावर कारवाई करण्यात येईल, असे जिल्हाधिकारी अरुण शिंदे यांनी कळविले आहे.