मिरची-मसाल्यांना महागाईचा ठसका

अहमदनगर : उन्हाळा सुरू झाला की, घरोघरी महिलांची मसाला तयार करण्याची लगबग सुरू झाली आहे. मार्च ते एप्रिल या दोन-तीन महिन्यांत वर्षभरासाठी मसाला तयार केला जातो. मसाल्याच्या पदार्थांना मागणी वाढल्याने दरही वाढले आहेत. त्यात लाल मिरचीचे दरही किलोमागे १० ते २० रुपयांनी वाढले आहे. इंधनाचे दर वाढत असल्यामुळे वाहतुकीचा खर्चही वाढत आहे. यामुळे यंदा बेडगी, तेजा मिरची, खोबरे, धने यासारखे जिन्नस महागले असल्याने गृहिणींचे बजेट कोलमडले आहे.

मार्च ते मे महिन्यात उन्हाचा तडाखा जास्त असल्याने या काळात तिखट, मसाला बनविण्यासाठी उत्तम मानला जातो. त्यामुळे मार्च ते मे या तीन महिन्यांत मोठ्या प्रमाणावर गृहिणी मिरची, तसेच धने, जिरे, खसखस, खोबर, मेथी, हळद, लवंग खरेदीसाठी बाजारात गर्दी करतात. त्यामुळे उन्हाच्या तोंडावर मिरची व मसाल्यांच्या दरात वाढ होते. बाजारात सध्या बेडगी, तेजा या मिरचीस मागणी आहे. बेडगी मिरची ३६० रुपये किलोने विकली जात आहे. लॉकडाऊनपासून मिरचीचा दर वाढत आहेत, तर बेडगीच्या दरातही १० ते १५ टक्क्यांनी वाढ झाली. धने, खोबर, जिरे, तिळाचे दरही फेब्रुवारी महिन्यापासून वाढल्याचे मसाला व्यावसायिकांनी सांगितले.

-----------------

मिरचीचे दर प्रति किलो

लवंगी- २३० गंटूर-२२०

काश्मिरी- ४३०

-------------------

मसाल्यामधील पदार्थ्यांचे दर (रुपये प्रति ५० ग्रम)

दालचिनी- ५०

शहाजिरे- ५०

लवंग- ७०

मिरे- ५०

मसाला विलायची- ८०

मायपत्री- ९०

जायपत्री- १७०

कर्णफूल- ९५

नाकेश्वर- १६०

त्रिफळा- ५०

कपूरचिनी- १३०

दगडफूल- ५०

तमालपत्र- १५

खसखस- ८५

--------------------

अन्य पदार्थ (प्रति किलो दर)

धने- १००

तीळ- १६०

खोबरे- २२०

मेथी- १४०

हळद- १६०

---------

मिरची येते आंध्रातून

गुंटूर मिरची आंध्र प्रदेश राज्यातून येते. तेजा मिरची स्थानिक, तसेच राज्यातील विविध भागांतून विक्रीस येत असते. ही मिरची अधिक तिखट असल्याने मिरचीला मागणी आहे.

बेडगी मिरची कर्नाटक, हवेरी येथून बाजारात येते. बेडगी मिरचीतही लाल व चॉकलेटी असा प्रकार आहे. अधिक नागरिक बेडगी मिरची तिखटपणाऐवजी खाद्यपदार्थांच्या रंगासाठी वापरत असल्याचे विक्रेत्यांनी सांगितले.

सध्या गुंटूर मिरचीस भाव नसल्याने या मिरचीचा दर उतरला आहे, तर खोबर हे कोकणातून बाजारात दाखल होत आहे. खोबऱ्याच्या दरातही वाढ झाली आहे.

--------------------

गृहिणी म्हणतात...

मार्च महिन्यापासून उन्हाळी कामे सुरू केली जातात. एप्रिल महिन्यात चटणी, लोणचे, पापड बनविण्यासाठी मिरची, मसाल्यांची खरेदी करावी लागत आहे. मात्र, आता खाद्यतेलापाठोपाठ मिरचीही महागली आहे, शिवाय मसाल्याच्या दरातही वाढ झाली आहे. वाढत्या महागाईमुळे कसरत करावी लागत आहे.

----------------------

वर्षभरासाठी लालतिखट, काळे तिखट बनविले जाते, शिवाय लोणचेही करून ठेवण्यात येते. त्यासाठी लाल मिरची, मसाला खरेदी करायचा आहे. मात्र, बाजारात मागील महिन्यापासून मिरची व मसाल्याच्या दरामध्ये वाढ होत आहे.

-------------

डमी- नेटफोटो

१९ मसाला रेट-लोकमत डमी

२० चिली