१) धीराने परिस्थिती हाताळावी कारण ९० टक्के वेळा लहान मुलांना खूपच सौम्य स्वरूपाचा आजार असतो.
२) लहान मुलांना शक्यतो घरातच विलगीकरण अथवा आयसोलेशनमध्ये ठेवावे.
३) नेहमीच्या कुटुंबीयांसमवेत ठेवावे.
४) भरपूर पाणी पाजणे. लघवीचे प्रमाण, श्वासाचा दर, ऑक्सिजनचे प्रमाण याचा चार्ट ठेवावा.
५) तान्ह्या बाळाला स्तनपान चालू ठेवले पाहिजे. आई निगेटिव्ह असली तरीही.
६) बाळाच्या खेळण्याकडे तसेच नेहमीच्या ॲक्टिव्हिटीकडे लक्ष ठेवणे. खेळणारे बाळ खूपच दिलासादायक असते.
७) पाच वर्षावरील मुलांना मास्क निश्चित वापरावा. दोन ते पाच वर्षांमधील मुलांना ते ठेवत असतील तर पालकांच्या निरीक्षणाखाली मास्क वापरावा.
८) ताप येत असल्यास फक्त पॅरासिटॅमॉल हे औषध १५ मिलीग्राम, दर किलोग्राम या प्रमाणात द्यावे. इतर औषध शक्यतो देऊ नये.
९) बाळाची आधीची कुठलीही जुन्या आजाराची औषधे चालू ठेवावी.
१०) प्रतिकारशक्ती वाढविण्यासाठी सकस आहार, पुरेसे पाणी, पुरेशी झोप व शारीरिक व्यायाम हे महत्त्वाचे आहेत. प्राणायाम, सूर्यनमस्कार, सुरक्षित गच्चीत धावा-धावी, जिने चढ-उतार असे विविध व्यायाम प्रतिकार शक्ती वाढवण्यास निश्चित मदत करतील.
११) बाळ पडून राहत असल्यास, श्वासाचा दर जास्त असल्यास अथवा ऑक्सिजनचे प्रमाण सतत पाच-दहा मिनिटे पेक्षा जास्त ९४ च्या खाली राहत असल्यास आपल्या बालरोग तज्ज्ञ यांचा सल्ला घ्या. अथवा जवळच्या कोविड बालरुग्ण विभागात संपर्क साधावा अथवा बाळाला तेथे दाखल करा.
हे करू नका
१) मुलांना तापाचे पॅरासिटॅमॉल व्यतिरिक्त कुठलेही औषध देऊ नये.
२) मुलांना वाफ देण्याचा अट्टहास करू नये. त्यातून अपघात होण्याची शक्यता जास्त आहे
३) दोन वर्षाखालील मुलांना मास्क वापरण्याचा अट्टहास करू नये.
४) मुलांना आजी-आजोबांच्या संपर्कात येऊ देऊ नये.
५) घरातील इतर मुलं जरी आरटीपीसीआर निगेटिव्ह असली तरीही त्यांना नातेवाइकांकडे पाठवू नये.
६) फळे व खाद्यपदार्थ वर्जित करू नयेत.
७) घरगुती औषधे, काढा यांचा भडीमार करू नये.
८) अफवांना बळी पडू नका
९) प्रतिकारशक्ती वाढविण्याचा बाजारू औषधावर विश्वास ठेवू नका.
१०) व्हाॅट्सॲपवरील आरोग्यविषयक माहिती आपल्या डॉक्टरांकडून पडताळून घ्या.
- डॉ. सचिन वहाडणे (बालरोग तज्ज्ञ)