Ahmednagar: बायको नांदत नसल्याने सासरच्यांवर हल्ला, मेहुणा, पत्नी आणि आजी सासूची केली हत्या

Ahmednagar Crime News: ऐन गणेशोत्सवात शिर्डी जवळील सावळेविहिर येथे मध्यरात्री झालेल्या तिहेरी हत्याकांडाने संपुर्ण जिल्हा हादरून गेला आहे. या घटनेनंतर पोलिसांनी आरोपींना पाच तासात जेरबंद केले आहे.

- प्रमोद आहेर
शिर्डी - ऐन गणेशोत्सवात शिर्डी जवळील सावळेविहिर येथे मध्यरात्री झालेल्या तिहेरी हत्याकांडाने संपुर्ण जिल्हा हादरून गेला आहे. या घटनेनंतर पोलिसांनी आरोपींना पाच तासात जेरबंद केले आहे.

बायको सासरी राहत नसल्याच्या रागातून व कौटुंबिक वादातून या घटनेतील आरोपी सुरेश निकम याने चुलत भावाच्या मदतीने सासुरवाडीवर केलेल्या हल्ल्यात मेव्हणा, बायको व आजी सासूची हत्या केली आहे.

यात रोहित चांगदेव गायकवाड (मेव्हणा), हिराबाई ध्रुपद गायकवाड (आजी सासू) व वर्षा सुरेश निकम (पत्नी) अशी मयताची नावे आहेत. या घटनेत सासू, सासरा व मेव्हनी हे तिघे गंभीर जखमी झाले आहेत. शिर्डी जवळच असलेल्या सावळेविहीर येथे काल मध्यरात्री साडे अकराच्या सुमारास ही घटना घडली, शिर्डी पोलीस पुढील तपास करत आहेत.