संगमनेर (जि. अहिल्यानगर) : संगमनेर तालुक्यात सहावी इयत्तेत शिकणाऱ्या मुलीवर मंगळवारी दुपारी साडेबाराच्या सुमारास एका अज्ञात इसमाने ॲसिडसदृश ज्वलनशील पदार्थ फेकला. यात मुलीचा चेहरा व हात गंभीर भाजला आहे. हल्लेखोर फरार झाला आहे.
पीडित मुलगी कोल्हार-घोटी राज्य मार्गावरील एका खेडेगावात शिक्षण घेते. ती नातेवाईकाच्या घरी राहते. दुपारी ती शाळेतून सायकलवर घरी जात होती. त्यावेळी तिच्यावर अज्ञात व्यक्तीने ज्वलनशील पदार्थ फेकला. त्यामुळे ती जोरदार किंचाळली. आरडाओरडा ऐकून ग्रामस्थ मदतीला धावले. त्यांनी तिला गावातील खासगी रुग्णालयात हलविले.
शिक्षणासाठी मुलगी राहते नातेवाइकांकडे पीडित मुलीला वडील नाहीत. ती तिच्या आईसह संगमनेर तालुक्यातील एका गावात शिक्षणासाठी आपल्या मामाकडे राहते. तिच्या शाळेपासून मामाचे घर दूर असल्याने ती दररोज सायकलवर शाळेत ये-जा करत होती.
मुलीची प्रकृती स्थिरमुलीच्या चेहऱ्याचा उजवा भाग भाजला आहे. डोळ्यांना कोणतीही इजा झालेली नाही, असे नातेवाईकांनी सांगितले.राज्यमार्गावर भर दुपारी घडली घटना १) कोल्हार-घोटी राज्यमार्गावर दीड कि.मी. अंतरावर मुलीचे घर आहे. राज्यमार्गापासून पाचशे मीटर अंतरावर ही घटना घडली.२) राज्यमार्गापासून मुलगी घराकडे जाताना ही घटना घडली.३) राज्यमार्गापासून शाळेचे अंतर ३ कि.मी. आहे.विधानसभेतही उमटले घटनेचे पडसादज्या परिसरात घटना घडली, तेथे सीसीटीव्ही नाहीत. तरीही पोलिसांनी विशेष पथक नेमून आरोपीचा तपास करावा, असे निर्देश पालकमंत्री राधाकृष्ण विखे-पाटील यांनी दिले असून विद्यार्थिनीला मदत मिळवून देण्याची ग्वाही त्यांनी दिली. आमदार अमोल खताळ यांनी विधानसभेत या घटनेचा विषय उपस्थित करून सरकारचे लक्ष वेधले. यावर महिला व बाल कल्याण मंत्री आदिती तटकरे यांनी घटनेची माहिती जिल्हा पोलिस अधीक्षकांकडून घेतली असून या विद्यार्थिनीला सर्वतोपरी मदत करण्याची ग्वाही सभागृहात दिली.
Web Summary : In Sangamner, a sixth-grade girl was attacked with acid near her school. The assailant fled, leaving the girl with severe burns on her face and hands. She was rushed to a local hospital; her condition is now stable.
Web Summary : संगमनेर में छठी कक्षा की एक लड़की पर स्कूल के पास एसिड से हमला किया गया। हमलावर फरार हो गया, जिससे लड़की का चेहरा और हाथ बुरी तरह झुलस गया। उसे तुरंत स्थानीय अस्पताल ले जाया गया; अब उसकी हालत स्थिर है।