दापोली-खेड मार्गावर भीषण अपघात, 5 जणांचा मृत्यू
By ऑनलाइन लोकमत | Published: December 28, 2018 10:07 AM2018-12-28T10:07:19+5:302018-12-28T10:59:44+5:30
दापोली-खेड मार्गावर शुक्रवारी (28 डिसेंबर) भीषण अपघात झाला आहे. डंपर आणि मॅक्सिमोची धडक झाल्याने हा अपघात झाल्याची माहिती मिळत आहे.
दापोली-खेड मार्गावर भीषण अपघात, 5 जणांचा मृत्यू
Next रत्नागिरी : दापोली-खेड मार्गावर शुक्रवारी (28 डिसेंबर) भीषण अपघात झाला आहे. डंपर आणि मॅक्झिमोची धडक झाल्याने हा अपघात झाल्याची माहिती मिळत आहे. नारपोली गावाजवळील वळणावर हा अपघात झाला आहे. या अपघातात पाच जणांचा मृत्यू झाला असून अनेक जण जखमी झाले आहेत. जखमींना उपचारासाठी तातडीने रुग्णालयात दाखल करण्यात आले आहे.
शेलार नामक चालक मॅक्झिमो गाडीतून प्रवासी घेऊन दापोलीकडून खेडकडे येत होता. नारगोली इंद्रधनू बागेजवळ एका गाडीला ओव्हरटेक करताना मॅक्झिमो आणि डंपरची टक्कर झाली. या अपघातात मधुकर गंगाराम कांबळे, जगदिश शांताराम पारदुले, मॅक्झिमो चालक शेलार, महमिदा शेख यांच्यासह अन्य एक महिला असे पाच जण जागीच ठार झाले. मृतांमध्ये 2 महिला आणि 3 पुरुषांचा समावेश आहे. यातील मधुकर कांबळे दापोली नगर पंचायतीचे कर्मचारी आहेत. या अपघातात निलेश पवार आणि संदीप पावसकर हे दोघेजण गंभीर जखमी झाले. त्यांना अधिक उपचारासाठी केईएम, मुंबई येथे हलवण्यात आले आहे. जखमी निलेश पवार हाही नगर पंचायतीचा कर्मचारी आहे.
