पुण्यात पंचतारांकित हॉटेलच्या HR तरुणीकडे व्यवस्थापकाची शरीर सुखाची मागणी

हॉटेलच्या HR तरुणीकडे शारीरिक सुखाची मागणी, मॅनेजरसह दोघांवर FIR

पुणे/किरण शिंदे : पुण्यातील प्रसिद्ध फाईव्ह स्टार हॉटेलमध्ये एच आर म्हणून काम करत असलेल्या महिलेचा विनयभंग झाल्याचा प्रकार उघडकीस आला आहे. त्याच हॉटेलमध्ये मॅनेजर असणाऱ्या एकाने या महिलेकडे शरीर सुखाची मागणी केली. आणि या प्रकाराविषयी कुणाला सांगितल्यास ठार मारण्याची धमकी दिली. या सर्व प्रकारानंतर या महिलेने पोलीस स्टेशन गाठून तक्रार दिली. मुंढवा पोलीस ठाण्यात याप्रकरणी गुन्हा दाखल करण्यात आला आहे. दोघांवर गुन्हा दाखल झाला आहे. एका 25 वर्षीय तरुणीने या प्रकरणी तक्रार दिली आहे. यातील एक आरोपी हॉटेलचा मॅनेजर आहे. 

याप्रकरणी अधिक माहिती अशी की, फिर्यादी या मुंढवा परिसरातील एका प्रसिद्ध फाईव्ह स्टार हॉटेलमध्ये एच आर म्हणून काम करतात. तर आरोपी हा त्याच हॉटेलमध्ये मॅनेजर पदावर नोकरी करतो. सप्टेंबर महिन्यापासून आरोपी फिर्यादीला त्रास देत होता. फिर्यादी महिलेला केबिनमध्ये बोलावून घेत "तू खूप सुंदर दिसते, तुझे पाय किती भारी आहेत, माझे घर खूप मोठे आहे, रात्री माझ्या घरी चल आपण सेक्स करू" असे बोलू त्यांच्या जवळ जाऊन अश्लील चाळे केले. 

तर दुसऱ्या आरोपीने "त्याने जे काही केले ते कोणाला सांगायचे नाही, अन्यथा आम्ही तुला खल्लास करून टाकू" अशी धमकी दिली. इतकेच नाही तर फिर्यादी घरी जात असताना आरोपींनी त्यांचा पाठलाग करून कोणाला काही सांगितल्यास खल्लास करून टाकण्याची धमकी दिली. पोलिसांनी या प्रकरणी गुन्हा दाखल केला असून अधिक तपास पोलीस करत आहेत.