उद्धव ठाकरेंसह कुटुंब जामनगरमध्ये; अनंत अंबानींच्या प्री-वेडिंग सोहळ्याला हजेरी

या सोहळ्याला देशातीलच नव्हे तर विदेशातीलही अनेक पाहुणे उपस्थित राहणार आहेत. 

जामनगर - प्रसिद्ध उद्योगपती मुकेश अंबानी यांचा मुलगा अनंत अंबानी आणि राधिका मर्चंट यांच्या प्री वेडिंग सोहळ्याला अनेक दिग्गज कलाकार, नेते मंडळींनी हजेरी लावली. त्यात महाराष्ट्राचे माजी मुख्यमंत्री उद्धव ठाकरे सहकुटुंब गुजरातच्या जामनगरला पोहचले. याशिवाय उपमुख्यमंत्री देवेंद्र फडणवीस यांच्या पत्नी अमृता फडणवीस यांनीही अंबानी यांच्या सोहळ्यात उपस्थिती लावली. 

राधिका मर्चंट आणि अनंत अंबानी यांच्या प्री वेडिंग सोहळ्याला उद्धव ठाकरे, त्यांच्या पत्नी रश्मी ठाकरे आणि मुलगा आदित्य ठाकरे हे हजर होते. यावेळी माध्यमांच्या कॅमेऱ्यांनी रश्मी ठाकरे आणि आदित्य ठाकरे यांनी फोटो क्लिक केले. १ मार्च ते ३ मार्चपर्यंत अनंत अंबानी आणि राधिका मर्चंट यांच्या प्री वेडिंग सेलिब्रेशनसाठी अनेकजण जामनगरला येत आहेत. या सोहळ्याला देशातीलच नव्हे तर विदेशातीलही अनेक पाहुणे उपस्थित राहणार आहेत. 

#WATCH | Gujarat: Shiv Sena (UBT) Chief Uddhav Thackeray, Shiv Sena (UBT) leader Aaditya Thackeray & Maharashtra Dy CM Devendra Fadnavis's wife Amruta Fadnavis arrive in Jamnagar for the three-day pre-wedding celebrations of Anant Ambani and Radhika Merchant. pic.twitter.com/8S5d1zk26n

— ANI (@ANI) February 29, 2024

फेसबुकचे मार्क झकरबर्ग, मायक्रोसॉफ्टचे बिल गेट्स ते गुगलचे सुंदर पिचई असे झाडून सर्व बडे बडे उद्योगपती, उद्योजक या सोहळ्याला उपस्थिती लावणार आहेत. १ ते ३ मार्च असा हा तीन दिवसांचा सोहळा असणार आहे.

दरम्यान, राधिकाला मिळवून मी भाग्यशाली बनलो आहे. ती माझ्या स्वप्नांची राणी आहे. लहानपणी मी विचार केलेला की मी कधीच लग्न करणार नाही. कारण मला प्राण्यांप्रती खूप प्रेम होते, त्यांच्या देखभालीसाठी मी समर्पित झालो होतो. परंतु, जेव्हा मी राधिकाला भेटलो तेव्हा ती माझ्यासारखीच असल्याचे दिसले. तिलाही प्राण्यांबद्दल प्रेम आणि पाळण्याची आवड आहे, असे अनंत अंबानी म्हणाले. आजतकला त्यांनी ही मुलाखत दिली.