अल्पवयीन मुलीचे अपहरण करून तब्बल सहा वर्षे बलात्कार

नाशिक : नांदूरनाका परिसरात राहणाऱ्या मुलीच्या बारा वर्षीय मैत्रिणीस जेवनातून गुंगीचे पदार्थ खाऊ घालून तिचे अपहरण केल्यानंतर दिल्लीतील एका इसमाशी जबरदस्तीने विवाह लावून देण्यात आला़ त्यानंतर संशयित व त्याच्या भावाने वेगवेगळ्या ठिकाणी नेऊन तब्बल सहा वर्ष या मुलीवर बलात्कार केल्याचा प्रकार उघडकीस आला आहे. पीडित मुलगी नाशिकला परतल्यानंतर याचा उलगडा झाला असून या प्रकरणी आडगाव पोलीस ठाण्यात आठ संशयितांवर गुन्हा दाखल करण्यात आला असून संशयित संगीता होंडे (रा़विहितगाव, देवळाली कॅम्प) या महिलेला अटक करण्यात आली आहे़

ठळक मुद्देमुलींचे अपहरण करणारी टोळीमैत्रिणीच्या आईनेच केले अपहरणसंशयित महिलेस अटक

नाशिक : नांदूरनाका परिसरात राहणाऱ्या मुलीच्या बारा वर्षीय मैत्रिणीस जेवनातून गुंगीचे पदार्थ खाऊ घालून तिचे अपहरण केल्यानंतर दिल्लीतील एका इसमाशी जबरदस्तीने विवाह लावून देण्यात आला़ त्यानंतर संशयित व त्याच्या भावाने वेगवेगळ्या ठिकाणी नेऊन तब्बल सहा वर्ष या मुलीवर बलात्कार केल्याचा प्रकार उघडकीस आला आहे. पीडित मुलगी नाशिकला परतल्यानंतर याचा उलगडा झाला असून या प्रकरणी आडगाव पोलीस ठाण्यात आठ संशयितांवर गुन्हा दाखल करण्यात आला असून संशयित संगीता होंडे (रा़विहितगाव, देवळाली कॅम्प) या महिलेला अटक करण्यात आली आहे़

पीडित मुलीने पोलिसात दिलेल्या फियार्दीनुसार २०१२ मध्ये ती आईसमवेत नांदूर नाका परिसरात राहत होती़ शेजारी राहणारी तिची मैत्रीण गौरी हिची आई संशयित नंदा जाधव हिने जेवणात गुंगीचे औषध खाऊ घातले व गुंगी आल्याचे लक्षात आल्यानंतर एका रिक्षात टाकून संशयित मंगला या महिलेकडे सोडून दिले. मंगलाने महिनाभर एका खोलीत कोंडून नंतर या मुलीस पूजा नावाच्या महिलेकडे पाठविले.

तेथून संशयित संगीता, रंजना, राजू व संजय, विनोद यांच्यासोबत दिल्ली व उत्तर प्रदेशातील रतोडा गावी नेले़ या ठिकाणी संजयसोबत जबरदस्तीने लग्न लावून दिले़ यानंतर पिडीत मुलीला संशयित संजयकडून प्रतिदिन मारहाण तसेच सन २०१२ ते २२ सप्टेंबर २०१८ या सहा वर्षांच्या कालावधीत बलात्कार केला. संजय त्याचा भाऊ विनोदया दोघांनीही या अल्पवयीन मुलीवर बलात्कार केला असून या मुलीने दोन मुलांनाही जन्म दिला आहे़

पीडित मुलीने विवाह झालेल्या संशयित संजय यास रक्षाबंधनासाठी आईकडे जाण्याचा हट्ट धरला़ त्यानुसार त्याने देवळाली कॅम्प येथून खरेदी केलेल्या महिलेकडे पिडीतेला आणले व एक दिवस मुक्कामही केला़ त्यानंतर पुन्हा परतीस निघाला असता पिडीतेने मनमाड रेल्वे स्थानकावर धावत्या रेल्वेतून उतरून घेतल्याने २४ आॅगस्टला या मुलीला तिच्या आईकडे सोडून फरार झाला़

या प्रकरणी पीडित मुलीने दिलेल्या फिर्यादीनुसार नंदा जाधव, मंगला, पूजा, संगीता, रंजना, राजू, संजय व विनोद या आठ संशयितांविरोधात अपहरण, बलात्कार, लहान मुलांचे लैंगिक अपराधापासून संरक्षण (पोस्को) कायद्यान्वये गुन्हा दाखल करण्यात आला आहे़ दरम्यान, हे प्रकरण गुंतागुंतीचे असून, तपास झाल्यावर सत्य उजेडात येइल अशी माहिती आडगाव पोलीस ठाण्याचे वरिष्ठ पोलीस निरीक्षक सूरज बिजली यांनी दिली़


पोलीस आयुक्तांच्या आदेशानंतर गुन्हा दाखल
पिडीत मुलीला घरी सोडल्यानंतर तिची आई व नातेवाईक संशयितांविरोधात आडगाव पोलीस ठाण्यात गुन्हा नोंदविण्यासाठी गेले होते़ मात्र, संबंधित पोलीस कर्मचा-यांनी गुन्हा नोंदवून न घेता आपसात प्रकरण मिटविण्याचा सल्ला देत मुलीला व तिच्या नातेवाईकांनाच दमबाजी केली़ याबाबत अत्याचार विरोधी कृती समितीचे राहुल तुपलोंढे व कार्यकर्त्यांना याबाबत माहिती मिळाल्यानंतर त्यांनी पोलीस आयुक्त डॉ़रविंद्र सिंगल यांची सोमवारी (दि़१७) भेट घेत परिस्थिती समजावून सांगितली़ यानंतर आयुक्तांच्या आदेशानंतर आडगाव पोलिसांनी हा गुन्हा दाखल केला़