तीन तासात ३३ टक्के मतदान

डीपीडीसी निवडणूक : ८ जागांसाठी १५ उमेदवार रिंगणात

ठळक मुद्देसकाळी ११ वाजेपर्यंत ग्रामीण मतदार संघातील ५६ मतदारांपैकी ४० मतदारांनी मतदान केले. लहान नागरी मतदार संघातील ५६ मतदारांपैकी केवळ ३ मतदारांनी मतदान केले. उर्वरीत नगरपंचायत मतदार संघाच्या ३४ मतदारांपैकी केवळ ६ मतदारांनी मतदानाचा हक्क बजावला.

लोकमत न्यूज नेटवर्क 
धुळे :  जिल्हा नियोजन समितीच्या (डीपीडीसी) ८ जागांसाठी सकाळी आठ ते ११ या तीन तासात ३३ टक्के मतदान झाल्याची माहिती प्रशासकीय सूत्रांनी दिली आहे. 
सन २०११ च्या वाढीव लोकसंख्येनुसार डीपीडीसीच्या वाढीव ८ तर  दोंडाईचा नगरपालिकेतील एका सदस्याची रिक्त असलेली १ अशा एकूण ९ जागांसाठी मतदान प्रक्रिया पार पडणार होती. परंतु, मोठ्या नागरी गटातील एक जागा बिनविरोध झाली. त्यामुळे  उर्वरीत ८ जागांसाठी बुधवारी जिल्हाधिकारी कार्यालयातील तीन केंद्रावर सकाळी आठ वाजता मतदानाला सुरुवात झाली. 
१४६ पैकी ४९ मतदारांनी बजावला हक्क 
डीपीडीच्या ग्रामीण, लहान नागरी व नगरपंचायत मतदार संघातील १४६ मतदार त्यांच्या निवडणुकीचा हक्क बजावणार आहेत. पैकी सकाळी अकरा वाजेपर्यंत ४९ मतदारांनी मतदान केले. सायंकाळी पाच वाजेपर्यंत मतदान प्रक्रिया सुरू राहणार आहे.