यवतमाळ जिल्ह्यात उच्चदाबाच्या विद्युत तारेच्या स्पर्शाने चौकीदाराचा जागीच मृत्यू

धामणगाव मार्गावर दुकानासमोर साफसफाई करताना उच्चदाबाच्या विद्युत तारेच्या संपर्कात येऊन धक्का लागून चौकीदाराचा जागीच मृत्यू झाल्याची घटना येथे सोमवारी सकाळी उघडकीस आली.

लोकमत न्यूज नेटवर्क
यवतमाळ: धामणगाव मार्गावर दुकानासमोर साफसफाई करताना उच्चदाबाच्या विद्युत तारेच्या संपर्कात येऊन धक्का लागून चौकीदाराचा जागीच मृत्यू झाल्याची घटना येथे सोमवारी सकाळी उघडकीस आली. या विजेच्या तारेचा धक्का इतका जबरदस्त होता की, चौकीदाराचे दोन्ही पाय विजेच्या प्रवाहामुळे जागेवरच गळून पडले होते. या घटनेची माहिती नगरसेवक विजय खडसे यांनी पोलिसांना दिली असून मृतदेहाची ओळख पटवण्याचे काम सुरू होते.